Ministru Negósiu Estranjeiru, Hayashi Yoshimasa. Imajen/Espesiál

DILI, 11 maiu 2022 (TATOLI)–Governu Japaun liuhosi ninia Ministru Negósiu Estranjeiru, Hayashi Yoshimasa, hato’o apresiasaun ba Eleisaun Prezidensiál 2022 Repúblika Demokrátika iha Timor-Leste ne’ebé la’o iha ámbitu dame nia-laran.

“Japaun simu ho di’ak tebes realizasaun pasífika Eleisaun Prezidensiál iha Repúblika Demokrátika Timor-Leste, ne’ebé hala’o iha loron 19 marsu no 19 abril 2022, no ha’u hato’o hau-nia felisitasaun ba José Ramos Horta ne’ebé eleitu nu’udar Prezidente Timor-Leste ba períodu tinan-lima (2022-2027),” Hayashi Yoshimasa, hateten liuhosi nota ne’ebé Agência Tatoli asesu, kuarta ne’e.

Notísia relevante: Timor-Leste sei partisipa espozisaun mundiál iha Japaun

Japaun espera iha mandatu prezidente foun ne’e, Timor-Leste sei atinje ninia dezenvolvimentu maiór.

Nune’e, Timor-Leste nia eleisaun ba tinan ne’e, Japaun liuhosi Programa Nasaun Unida ba Dezenvolimentu (PNUD) apoiu ona implementasaun projetu eleisaun reziliente COVID-19 iha Timor-Leste, aproximadamente millaun $4, ne’ebé pesoál sira hosi Embaixada Japaun iha Timor-Leste observa ona katak prosesu votasaun iha ámbitu observasaun eleitorál ne’ebé kria ona hosi Governu Timor-Leste. 

“Japaun sei kontinua oferese apoiu tomak ne’ebé posível ba dezenvolvimentu sustentável Timor-Leste no halo esforsu hodi hametin liután relasaun entre país rua ne’e, ho konsiderasaun katak tinan ida-ne’e marka 20 (vijésimu) aniversáriu, ho relasaun diplomátiku entre Japaun no Timor-Leste,” nia akresenta.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here