Pesoál saúde fó vasina ba estudante EBC Beco. Imajen Tatoli/Celestina Teles.

COVALIMA, 11 maiu 2022 (TATOLI)—Diretór Eskola Bázika Central Beco, Quintino Qunitão informa, estudante iha Eskola Bázika Centrál Beco na’in-254 simu ona vasina pfrizer doze dahuluk atu prevene an hosi moras COVID-19.

“Estudante iha eskola EBC na’in-254 simu ona vasina Pfrizer doze dahuluk. Ohin, ita-nia pesoál saúde sira kontinua fó vasina ba estudante sira balun ne’ebé mak seidauk vasina,” Quintino Qunitão hateten ba Agência Tatoli, iha EBC Beco, kuarta ne’e.

Durante pesoál saúde halo vasina estudante iha eskola EBC Beco la simu kritíka hosi inan-aman hosi estudante sira tanba antes ne’e eskola halo ona enkontru ho inan-aman hodi hodi halo sensibilizasaun kona-ba benefisiu hosi vasina ne’e rasik.

“Antes atu ami halo konfirmasaun ho inan-aman hosi estudante sira no hodi halo sensibilizasaun kona-ba benefisiu hosi vasina ne’e rasik ho nune’e inan-aman hosi estudante sira mós apoiu programa Estadu,” nia informa.

Aleinde ne’e, nia informa, profesór na’in-21 mós kompleta ona vasina doze datoluk ni’an

Estudante EBC Beco, Maria Ormenia Cardoso, hateten politika Governu halo vasina ba estudante sira-ne’e atu hasa’e imunidade hodi halo prevensaun moras COVID-19.

‘Ohin, ha’u simu ona vasina doze dahuluk tanba vasina ne’e importante ba ita atu hasa’e ita-nia imunidade hosi bele halo prevensaun ba COVID-19 tanba Governu politika ne’e di’ak ba ita,” nia dehan.

Jornalista : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here