Osan dolar Amérika. Imajen/Espesiál

DILI, 10 maiu 2022 (TATOLI)—Diretór Ezekutivu Servisu Apoiu Sosiedade Sivil no Auditoria Sosiál (SASCAS, sigla portugés), Edwin Duarte Soares Noronha, informa iha trimestre dahuluk (janeiru-marsu) ne’e SASCAS ezekuta ona verba Orsamentu Jerál Estadu (OJE) 2022 atinje ona 7%.

“Hahú hosi janeiru to’o marsu ne’e, Servisu Apoiu Sosiedade Sivil no Auditoria Sosiál ezekuta ona 7%, ne’ebé ekivalente ho osan hamutuk $10,151,000.00,” Edwin Duarte Soares Noronha hateten ba Agéncia TATOLI, iha nia knar fatin, Palásiu Governu, Dili, tersa ne’e.

Hosi montante orsamentu $10,151,000.00 ne’e fahe ba kategória tolu (3), ne’ebé kompostu hosi tranferensia públika 22% ho nia saldo $9,180,000.00, Bens servisu hamutuk $871,00.00 no hosi orsamentu ne’e fahe ba rua, mak saláriu bens servisu $577,296.00 no bens servisu $293,704.00, hosi orsamentu rua ne’e atinji ona 51%, no kapitál menór ho orsamentu $100,000.00 no hosi orsamentu ne’e seidauk ezekuta, tanba sei iha prosesu nia laran.

“Iha trimestrál ne’e, ami halo kompromisu ho $2,016,346.51 hosi orsamentu ne’e atinje ona 22%. Restu iha semana ne’e ami sei kompleta, nune’e bele kompleta 100% hosi $2,016,346.51 ne’e,” nia dehan.

Diretór ezekutivu ne’e hateten, hosi ezekusaun 7% ne’e, SASCAS ezekuta ba transferensia públiku no bens servisu, no ba kapitál menor seidauk ezekuta.

“Kapitál menór iha hela prosesu tenderizasaun la’o hela, hein de’it memorandu entendimentu, ami prosesa ona. Tanba, kapitál menór ne’e ami atu sosa karreta rua no materiál eskritóriu, hanesan komputadór, kamera, meza, ATK no sira seluk,” nia informa.

Tuir nia, SASCAS foin ezekuta 7%, tanba SASCAS ne’e foun iha VIII Governu Konstitusionál.

“Ami-nia nomeasaun hahú iha marsu, hahú hosi fulan ne’e ba oin ami hanoin ona prodús nia sistema, hanesan finansa, administrasaun, aprovizionanamentu, entaun sasán sira-ne’e hotu mak prezudika ami-nia ezekusaun, maibé iha trimestrál ba oin ami bele la’o di’ak ona, tanba ami prenxe ona estandar oinsá atu bele presta servisu ba área sira-ne’e,” nia hateten.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here