Diretór Jerál Sekertáriu Estadu Igualidade Jéneru no Inkluzaun (SEII), Armando da Costa. Imajen Tatoli/Francisco Sony

DILI, 10 maiu 2022 (TATOLI)–Sekretária Estadu Igualdade Inkluzaun hamutuk ho Organizasaun Nasaun Unida no Korea International Cooperation Agency (KOICA-sigla inglés) iha Timor-Leste, tersa ne’e, realiza enkontru Komité Dirasaun Konjuntu Daruak (KDKD) hodi reforsa projetu “Hamutuk ba Igualdade”.

Diretór Jerál SEII, Armando da Costa, hateten KDKD ne’e ninia knar atu fornese orientasaun estratéjika, jestaun supervizaun no koordenasaun ba projetu hodi relata ba Komisaun Inter-Ministerial ba Planu Asaun Nasionál-Violénsia Bazea Jéneru (PAN-VBJ) iha tinan ida dala ida.

“Ohin, ha’u aprezenta progresu nasionál rejionál PAN-VBJ ba tinan 2022 to’o 2032. Agora daudauk Governu liuhosi SEII ho nia parseiru sira, halo hela VBJ ba datolu, hodi kontinua ba servisu VBJ ne’e,” Armando da Costa hateten ba Agência TATOLI, hafoin ramata enkontru ho parseiru kona-ba projetu Hamutuk ba Igualdade, iha Maubara Room, Timor Plaza, tersa ne’e.

Projetu ne’e sei foku ba área tolu hanesan mak ba prevensaun VBJ, provizaun servisu ka fornesimentu servisu sosiál sira no mós saúde nian ba iha vítima VBJ, ikus mak atu apoiu legál no justisa ba iha sobrevivente sira, nune’e mós iha sistema justisa atu iha sensibilidade ne’ebé mak di’ak iha espesífiku relasiona VBJ hasoru feto no labarik feto sira.

Iha semana ne’e nia rohan, sei halo validasaun ida atu bainhira parte hotu ne’ebé mak envolve fó sira-nia opiniaun no konkorda mak lori ba Konsellu Ministru hodi adopta fila fali ba datolu ninian, no projetu “Hamutuk ba Igualdade” ne’e lansa ona iha fevereiru 2021 ho apoiu finanseiru millaun $7,7 hosi KOICA.

Projetu ne’e, kobre hosi Munisípiu Dili, Covalima, Baucau no Rejiaun Administrativa Espesiál Oé- usse Ambeno (RAEOA).

“Entaun munisípiu haat ne’e mak sai munisípiu tarjeitu ba implementasaun tanba ohin ita enkontru kona-ba programa “Hamutuk ba Igualdade”, ne’ebé mak lidera hosi ONU ho ninia ajénsia sira no hetan apoiu fundu husi KOICA,” nia informa.

Vise Diretora Nasionál, Sookjin Byun, heteten projetu ne’e ninia intervensaun atu hamenus problema no hatán ba kondisaun Governu Timor-Leste, parseiru Nasaun Unida, organizasaun sosiedade sivíl sira tau ona esforsu ne’ebé makaas hodi proteje feto no labarik-feto sira.

Enkontru ne’e partisipa hosi SEII, Korea International Cooperation Agency (KOICA), Komisaun PAN-VBJ, Ministériu Edukasaun Juventude no Desportu, Ministériu Saúde, Ministériu Interiór, Sekretária Estadu Protesaun Sivil, Ministériu Justisa, Defensór Públiku, Prokuradór Jerál, Polisia Nasional Timor-Leste no mós reprezentante hosi munisipiu haat (Dili, Baucau, Covalima no Rejiaun Administrativa Espesiál Oé-Cusse Ambeno), reprezentante hosi sosiedade sivil no ajensia ONU ne’ebé envolve iha projetu ne’e (UN Women, UNFPA, UNDP no IOM).

Progresu projetu “Hamutuk ba Igualdade” 2021

Entretantu, iha biban ne’e, Governu liuhosi Sekretáriu Estadu Igualdade no Inkluzaun (SEII) hamutuk ho parseiru sira hanesan Korea International Cooperation Agency (KOICA), no ajensia ONU ne’ebé involve iha projetu ne’e (UN Women, UNFPA, UNDP no IOM), tersa ne’e, aprezenta progresu implementasaun projetu “Hamutuk ba Igualdade”, iha Maubara Room, Timor Plaza, Dili.

Diretor Jeral SEII, Armando da Costa hateten, iha projetu “Hamutuk ba Igualdade”, lansa iha novembru 2020 ho fundu hosi KOIKA miliaun $7,7, maske iha tinan ne’e nakonu iha ho dezafiu oioin maibé programa ne’e kontinua implementa ba tarejtu munisípiu sira hanesan Dili, Covalima, Baucau no Rejiaun Administrativa Espesiál Oé-cusse Ambeno (RAEOA).

“Liuhosi projetu ne’e kontribui ona ba Governu nia esforsu ba prevensaun violensia Bazea Ba Jéneru (VBJ) ne’ebé mak lidera hosi SEII no suporta ona instituisaun Governu hamutuk 18 no sosiedade sivil 18 mós. Tanba ne’e liuhosi ajensia ONU haat nia atinjimentu ba implementasaun benfisiária direta hamutuk 1.675 no naun direta hamutuk 32.975,” Diretor Jerál ne’e hateten ba Agencia TATOLI, iha salaun Maubara Room, Timor Plaza, Dili, tersa ne’e.

Hosi projetu ne’e, iha pilar ida ko’alia kona-ba VBJ ne’ebé mak UN Women parseria ho Universidade Nasionál Timor-Lorosa’e (UNTL) iha inisiativa ba Kampus Seguru ba estudante no professor hamutuk 344 nia koñesimentu kona-ba VBJ hosi kolókiu.

Aleinde ne’e, UNFPA mós treina ona fasilitadór hamutuk na’in-40 hosi munisípiu 11 kona-ba Training of Trainer (ToT) atu fasilita fali fasilitadór sira atu lidera treinamentu relasaun saudável ba jerasaun foun sira ne’ebé mak eskola la hotu.

Depois iha UN Women ho nia parseiru Timor AID no Fundasaun Alola kona-ba soru tais no vendedór merkadu hamutuk 68 ne’ebé treinadu ona hodi hasa’e koñesimentu iha negósiu, literasia finanseiru, diversifika produtu tais no norma jéneru no poder.

IOM ho Komisaun Jere Dezastre Munisípiu hala’o ona sesaun hasa’e kapasidade no kosiensia ba grupu feto 30 atu partisipa foti desizaun iha risku redusaun dezastre dezenvolve planu jere risku dezastre iha komunidade ne’ebé intrega asuntu VBJ no identifika projetu sira-ne’ebé mak sustentável no rejiliente. Depois iha ema na’in 49 hosi Komisaun Jere Dezastre Munisípiuno hosi grupu feto sira diskute ona lakuna sira hodi prevene no responde ba VBJ iha dezastre.

Hosi projetu ne’e, iha pilar ida ko’alia kona-ba provisaun ba vítima sira. UNFPA ne’ebé mak servisu hamutuk ho Institutu Saúde no Ministériu Saúde (MS) empodera ona professional saúde hamutuk 112 hosi instituisaun Governu no privadu sira, academia no sosiedade sivil sira liuhosi kolokiu hasa’e konsiensia kona-ba aproxima responsivu jéneru atu asegura atendementu saúde sensivel ba jéneru.

Modul sensibilizasaun ida ba prevene ba vítima no VBJ ne’e dezenvolve no sensibiliza ona ba fornesedór sa’ude hamutuk 33.

Hosi projetu ne’e, iha pilar ida ko’alia kona-ba asesu ba justisa, PDNU ho Uma Paz Baucau no Sentru Esperansa Feto Covalima benefisia ona sobervivente 110 no membru família afetadu 10 liuhosi Uma Mahon.

Nune’e mós halo akonseliamentu, suporta re-integrasaun hosi atendementu Uma Mahon nian, feto hamutuk 199 mós hetan ona treinamentu kona-ba akonselamentu no asisténsia legál ne’ebé suporta sobrevivente VBJ sira.

Partisipante 71 hosi liña ministériu haat no sosiedade sivíl ne’ebé benefia ona hosi aprendijajen atu hasa’e ona ba koordenasaun multi-setorál hodi hatán ba VBJ, adisionál komunidade lokál hmautuk 500 hetan mós asesu legál.

Hosi projetu ne’e, iha pilar ida ko’alia kona-ba koordenasaun, monitorizasaun no evaliasaun. Ne’ebé mak UN Women, SEII no Autoridade Baucau suporta kapasitasaun analiza orsamentu VBJ ba funsionáriu SEII no pontu fokál sira dala ida.

Asesmentu hasa’e kapasidade ba pontu vogál no grupu traballu tékniku hosi inisiativa seguru no Baucau seguru na’in-10 atu hasa’e orsamentu responsivu ba jéneru iha orsamentu Estadu tinan 2023-2024.

Iha tinan 2021 mós OIM suporta dezastre nasionál na’in 30 hodi halo mapamentu no asesmentu ba sentru evakuasaun tolu (3) no lakuna ne’ebé mak identifika atu fornese kodisaun ida-ne’ebé mak seguru no dignu liu.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here