Ministru Administrasaun Estatál, Miguel Pereira de Carvalho. Imajen TATOLI/Egas Cristovão.

DILI, 10 maiu 2022 (TATOLI)—Ministru Administrasaun Estatál (MAE), Miguel Pereira de Carvalho, hateten to’o oras ne’e Governu simu ona ona lista konfirmadu hosi bainaka internasionál sira-ne’ebé posivel atu mai partisipa serimónia investidura ba Prezidente Repúblika eleitu períodu 2022-2027 iha Timor-Leste.

Notísia Relevante: Ramos Horta propoin konvida bainaka espesiál no líder mundiál 18

Nia hatutan, tuir lista konfirmadu ne’e bainaka internasionál na’in-haat inklui Primeiru-Ministru Guiné-Bissau mak fó ona resposta atu mai partisipa serimónia investidura no komemorasaun loron restaurasaun independénsia Timor-Leste ba dala-XX (20 maiu 2002-20 maiu 2022).

“Ohin loron ita simu bainaka konfirmadu hosi Internasionál mak hanesan Prezidente Repúblika Portugal, Primeiru-Ministru Guiné-Bissau, Governadór Austrália no Ministru Negósiu Estranjeiru Nova Zelândia mak sei mai partisipa serimónia tomada pose ba Prezidente Repúblika eleitu, José Ramos Horta, no komemorasaun 20 maiu ne’e,” Governante ne’e hateten ba jornalista sira, hafoin hasoru malu ho PR eleitu, José Ramos Horta, iha nia rezidénsia, Faról, Dili, tersa ne’e.

Aleinde ne’e, nia informa mós ba Prezidente Repúblika eleitu, José Ramos Horta, kona-ba progresu preparasaun fatin ba serimónia investidura no serimónia 20 maiu nian ne’ebé mak daudaun ne’e atinje ona 80%.

Tuir planu, preparasaun ne’e sei konklui iha loron 15 ka 16 maiu no sei utiliza iha 19 maiu ba serimónia investidura ba Prezidente Repúblika eleitu períodu 2022-2027 no komemorasaun 20 maiu nian.

“Iha loron 15 ou 16 kompleta ona 100%, tanba daudaun ne’e ita-nia preparasaun ba fatin Tasi-Tolu ne’e atinje ona 80%,” nia dehan.

Notísia Relevante: Bainaka 2.500-resin sei partisipa serimónia fó pose ba Ramos Horta

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here