Profesór sira partisipa iha programa sensibilizasaun prevensaun ba korrupsaun hosi CAC. Imajen Tatoli/Celestina Teles.

COVALIMA, 10 maiu 2022 (TATOLI)—Komisaun Antí Korrupsaun (CAC, sigla portugés) liuhosi Diresaun Prevensaun no Sensibilizasuan, tersa ne’e, halo sensibilizasaun prevensaun korrupsaun ba estudante no profesór sira iha Eskola Sekundária Públika (ESP) Suai-Covalima.

Diretora Nasionál Asuntu Promosaun Valór sira no Integridade, Leonilda Rosa Soares Lobato, hateten sensibilzisaun ne’e CAC fahe ba parte rua mak ba estudante sira ko’alia kona-ba estudante sira bele hadook an hosi korrupsaun no ba profesór sira ko’alia kona-ba oinsá CAC halo servisu prevensaun no investigasaun, aleinde ne’e mós esplika tipu korrupsaun hanesan abuzu poder sei hatan prosesu penál.

“Ami halo atividade iha eskola Sekundáriu Jerál Públika Suai, ami fahe ba parte rua ekipa ida halo sensibilziasaun ba  estudante  koalia konaba valor morál hanesan estudante no joven tenke kuda onestidade responsabilidade badinas no hatene respeitu ba ema ida. Ne’e mak ami espera joven mak futuru ba nasaun TL ba profesór knar CAC no tipu korrupsaun,” Leonilda Rosa Soares Lobato, hateten ba jornalista sira, iha eskola sekundária públiku Suai, tersa ne’e.

Atividade sensivilizasaun ba profesór sira mós importante hodi fó hanoin no atensaun ba profesór sira hodi bele ezerse sira-nia dever no labele abandona sira-nia servisu.

“Ami halo sensibilizasaun ho sepasaun atu fó atensaun no fó hanoin ba profesór-sira bele ezerse sira-nia dever no kumpre regra eskola labele abandona servisu sira tenke kontribui prevene korrupsaun liuhosi hato’o keixa karik akontese deskonfia mosu erru iha Suai,” nia dehan.

Atividade sensibilizasaun ne’e CAC hahú hala’o iha eskola sira hanesan, EBC Sandalo, Eskola Sekundária Jerál no sei hala’o mós semináriu ba líder komunitária sira hanesan, xefe suku hosi suku ualu (8) no funsionáriu sira iha postu Zumalai, munisípiu Covalima.

Estudante Alberto Amarál sente kontente bainhira Komisaun Antí Korrupsaun (CAC, sigla Portugés) liuhosi Dirasaun Prevensaun no Sensibilizasuan hodi fahe sira-nia esperiénsia kona-ba servisu CAC nian.

“Ho sensibilizasuan ida-ne’e, ami estudante bele muda ami-nia hanoin atu ami labele hanesan ema ne’ebé sai korruptór,” nia hateten.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here