Koordenadór Interinu SERVE,I.P Sukursál Munisípiu Bobonaro, Leopoldo Perreira Fernandes. Imajen Tatoli/Sérgio da Cruz.

BOBONARO, 09 maiu 2022 (TATOLI) – Servisu Rejistrasaun no Verifikasaun Emprezariál, Institutu Públiku (SERVE,I.P) Sukursál Munisípiu Bobonaro, rekolla reseita $2,232.00 ba kofre estadu durante fulan-haat.

Koordenadór SERVE, I.P Bobonaro Interinu, Leopoldo Perreira Fernandes, esplika, reseita hirak- ne’e rekolla hosi empreza no negosiante sira-ne’ebé mai halo renovasaun sertidaun rejistu komersiál, sertifikadu ba rejistu komersiál no autorizasaun ezersísiu ba atividade ekonómika.

Nune’e rekolla mós hosi alterasaun ba negósiu ho tipu ENIN no estatutu ba sosiedade komerisiál mak hanesan alterasaun objetu, aumenta atividade, alterasaun sede, administrador, órgaun sosiál, no kapitál sosiál.

“Ami rekolla reseita fulan-janeiru $354, fevereiru $476, marsu $577 no abríl $825, fulan-abril maka sa’e maka’as oituan bazea ba sira-ne’ebé halo renovasaun dukumentu depois mai halo alterasaun dukumentu,” nia informa ba Tatoli, iha kna’ar-fatin, segunda ne’e.

Hahú hosi janeiru mai to’o agora dadus ne’ebé SERVE, I.P sukursál Bobonaro rejista emprezáriu em nome individual (ENIN) totál 53 kompostu hosi mane na’in-33 no feto na’in-20.

Nune’e mós sosiedade Unipessoál por kuota limitada, (Unipessoal, Lda) ho totál 18 kompostu hosi mane na’in-13, feto na’in-lima no sosiedade por kuota limitada (Lda) ho totál na’in-rua.

Purtantu renovasaun ba sertifikadu rejistu komersiál, sertidaun ba rejistu komersiál no autorizasaun ezersísiu ba atividade ekonómika. Emprezáriu em nome Individuál (ENIN) ho totál 73 kompostu hosi mane na’in-35 no feto na’in-38, sosiedade Unipessoál por kuotas Limitada (Unipessoal, Lda) ho totál na’in-53 kompostu hosi mane na’in-34 no feto na’in-19.

Sosiedade por Kuotas Limitada (Lda) ho totál lima kompostu hosi mane na’in-haat no feto ida no Reprezentasaun Permanente (R.P) Mane ida.

Enkuantu alterasaun ba negósiu ho tipu negósiu ENIN no estatutu kompañia ba sosiedade komersiál mak hanesan alterasaun objetu, aumenta atividade, alterasaun sede, administradór, órgaun sosiál, kapitál sosiál no seluk-tán bazeia ba pedidu ne’ebé submete hosi negosiante no empreza referente.

Emprezáriu em nome Individual (ENIN) ho totál neen kompostu hosi mane ida no feto lima, sosiedade unipessoal por kuota limitada (Unipessoal, Lda) ho totál 41 kompostu hosi mane 23 no feto18, sosiedade por kuota limitada (Lda) ho totál mane na’in-rua.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here