Projetu reabilitasaun sede suku Bahú hosi PNDS. Imajen Tatoli/Natalino Belo.

BAUCAU, 09 maiu 2022 (TATOLI) – Progresu reabilitasaun sede suku Bahú, postu administrativu Baucau vila, munisípiu Baucau liuhosi Programa Nasionál Dezenvolvementu Suku (PNDS) atinje ona 85%.

Xefe suku Bahú, Manuel Francisco Rodrigues Gusmão hateten, PNDS liuhosi programa Reabilitasaun Sede Suku (RSS) implementa ho di’ak ne’ebé realiza tuir planu orsamentu iha tinan 2021 nian.

“Progra reabilitasaun sede suku agora ami hala’o hela, agora daudaun atinje ona pursentu 85,” Xefi suku Bahú informa ba Agência Tatoli iha Vila Antiga, segunda ne’e.

Konsellu suku Bahú deside rehabilita sede suku ho totál orsamentu hamutuk $ 13.790 ne’ebé aloka ba selu badaen hamutuk $ 3.040, orsamentu ba operasionál $ 1.000 no restu sosa materiál hanesan keramik, troka kalen, plafon, odamatan, pinta no hadi’a resintu sede suku.

Futuru sede suku Bahú sei konstrui tán salaun enkontru rua hanesan utiliza ba enkontru bainaka ezekutiva inklui salaun ba inkontru jerál ba komunidade Bahú.

“Ita hakarak aselera lalais reabilitasaun tanba afeta  ba atendementu administrasaun iha suku,” Francisco akresenta.

Suku Bahú kompostu aldea lima hanesan Ana-Ulo, Ro-ulo, Boi-lé, Makadae no Lamegua ho tótal populasaun hamutuk 11.562.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here