Dionísio de Jesus Lopes.

Hosi:

Dionisio de Jesus Lopes

Mane ida hamriik mesak iha ai-hun ida nia okos. Nia sadere nia kotuk ba ai no nia ain mós tau ba nia leten. Iha ninia kakutak mosu hanoin no ideas hodi hahú husu ba nia-an: “tansá ema tenki usa máskaras?’’ Mane ne’e nafatin hanoin, liu-liu kona-ba buat sira ne’ebé mak nia observa iha serbisu fatin balun.

Nia hanoin hetan nia kolega servisu ida usa maneira oi-oin hodi atrai nia Superior-nia atensaun. La’os nia de’it maibé ida-idak mós ho nia maneira rasik.

Sira-nia Superior laran monu lalais. Superior ne’e kontente loos bainhira iha ema ruma mangeira nia; Lia laran tuir de’it liafuan midar sira husi mangeira na’in sira. Tan ida ne’e, nia fasilmente ajuda sira maiske dalan ne’ebé halo ne’e la loos. Mane ne’e mós la’os la iha prinsípiu. Agora, iha nia reflesaun solilóku dramátiku  rasik dehan:

Aihun mesak ne’ebé iha dezertu hamriik ho firme! Haree bá! Obstaklu sira mak iha nehan! Ó la kestiona? Haree bá! Ninia abut sira prontu tebes hodi hakuak rai. Nia rai ne’e maran loos tanba la iha udan maiské iha mak rai-lakan. Nia nunka tauk hodi hamriik mesak. Maiské nia sei hamriik hodi kontra mundu maibé nia fini ne’ebé di’ak buras rasik. Nia sei kontinua hamriik maiské mundu kontra nia mundu rasik. Ida ne’e mak ai-hun ida ne’ebé moris iha dezertu. Ai-hun ida ne’ebé bele eduka maiské kuda iha kualker fatin.’’

Ó bele sai hanesan ho ai-hun ne’ebé iha kakutak mane ne’ebé iha ai-hun ne’e?

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here