Tékniku EDTL halo instalasaun eletrisidade iha área Bebora, Dili. Imajen TATOLI/António Gonçalves

COVALIMA, 09 maiu 2022 (TATOLI)—Administradór postu administrativu Tilomar, Benedito Maia, hateten komunidade suku haat (4) iha Tilomar hanesan suku Beiseuk, Lalawa, Casabauk no Maudemo, daudaun ne’e asesu ona eletrisidade.

“Ami-nia postu administrativu Tilomar ne’e suku haat mak asesu hotu ona eletrisidade, maibé dala ruma ahi lakan mate la’ós loron tomak oras ida rua-de’it ida ne’e, ita konsidera normal,” Benedito Maia, hato’o ba jornalista sira iha edifísiu, postu administrativu Tilomar, segunda ne’e.

Komunidade suku haat ne’ebé asesu ona eletrisidade nune’e Governu tulun ona komunidade, tanba sira sente ona naroman masked ala ruma eletridade loro-loron lakan no mate.

Dadus hosi Postu administrativu Tilomar tuir resensiamentu populasaun hosi suku tinan 2022 populasaun hosi suku Beiseuk 3,106 kompostu hosi mane 155 no feto 1,556, Suku Lalawa 2,018 ne’ebé kompostu hosi mane 1073 feto 945, suku Casabauk hamutuk 2,3356 ne’ebé kompostu hosi mane 1200 no feto 1,151, no suku maudemo hamutuk 3, 473 ne’ebe kompostu hosi mane 1,734 no feto 1,739.

Antes ne’e, iha loron 22 fulan abríl 2022, Xefi unidade EDTL, E.P Covalima, Alexandre Seran, informa komunidade iha Covalima hamutuk suku 30 no hosi númeru ne’e suku 23 mak asesu ona eletrisidade, falta de’it suku hitu (7) mak seidauk asesu ba enerjia eletrisidade.

Enkuantu, Suku hitu ne’ebé seidauk asesu ba liña eletrisidade ne’e mak suku Lour, Fatumea Vila, Dato-Tolu no suku Dato-Rua, enkuantu suku Laktos, Mape no Usecai agora prosesu servisu la’o hela  iha  terenu.

 Jornalista : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here