Komisáriu Ezekutivu Tékniku EDTL, E.P, Enginéru, Latino Jerónimo. Imajen Tatoli/Francisco Sony.

DILI, 09 maiu 2022 (TATOLI)—Komisáriu Ezekutivu Servisu Tékniku Eletrisidade Timor-Leste (Empreza Públika (EDTL, E.P), Latino Jerónimo, informa agora daudaun ne’e Empreza Fitun Kaduak re-ativa fila-fali faan pulsa eletrisidade iha Maubisse Vila tanba komunidade presiza hela no atu sosa pulsa eletrisidade nian.

Notísia RelevanteXefe suku Maubisse Vila husu EDTL, E.P instala loja faan pulsa eletrisidade

“Iha semana kotuk, ha’u kontaktu ho ami-nia supervisór ia Ainaro, foufoun informa katak iha ne’ebá kompaña ne’ebé loke ne’e deziste tiha, hafoin ne’e sira uza Mosan, sosa pulsa eletrisidade liuhosi online. Maibé, orientasaun hosi ami klaru katak, ema-ne’ebé asesu internet ne’e la’ós ema hotu-hotu. Entaun, iha loron ne’e kedas nia ba konfirma fila-fali iha Ajénsia ka empreza Fitun Kaduak natón faan ne’e, agora nia re-ativa fali ona, ne’ebé sira bele ba hola. Karik, iha preokupasaun ruma ita atende,” Komisáriu Ezekutivu Servisu Tékniku EDTL ne’e hateten ba Agência Tatoli, iha nia knar fatin, Caicoli, Dili, segunda ne’e.

Tanba, ida ne’e preukupasaun EDTL nia mós, ne’ebé hahú iha fulan novembru liubá bainhira EDTL halo kontadór rihun 100 resin, EDTL rekruta mós sira kazuál sira ba monta, aumezmu tempu paralelu halo servisu ne’e mak kontaktu komunidade lokál no enkoraja sira atu bele loke, tanba antes ne’e kritériu osan atu sosa rihun $5, maibé atu asesu iha Postu Administrasaun ema bele tau osan hamutuk hola, tanba ne’e ita hatun ba rihun $2 atu sira bele hola.

Ida-ne’e, EDTL preukupa teb-tebes tanba ne’e, EDTL monta no halo instalasaun kontadór sira, tanba ema-nia nesesidade atu uza ahi, hakarak ka lahohi sira tenke hola, se la hola sira tenke ligasaun direta.

“Ligasaun direita ida-ne’e, tanba ami-nia esforsu la’ós la másimu maibé sira la interrese uitoan ba hola ida-ne’e, maibé agora daudaun empreza Fitun Kaduak ne’e re-ativa fali ona,” nia dehan.

Ligadu ho ahi mate lakan iha Maubisse Vila, nia afirma, iha zona ne’ebá momentu udan no anin, dala ruma ligasaun sira-ne’e halo ahi mate tanba dala ruma iha kontaktór no fiu sira book an, iha momentu ne’ebá instalasaun no lala’ok sira hatene ona no kualidade konserteza iha, maibé liña ne’e mós la la’o ho tempu tinan barak ona.

Nune’e, kuandu udan no anin kona ne’e, ahi mate. Maibé, iha momentu ne’ebá sira atende kedas,” nia esplika.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here