Embaixadora Timor-Leste iha Vietname, Maria Olandina Isabel Caero Alves, hamutuk ho atleta no jornalista ibalun ha paviliaun Timor-Leste nia oin. Imajen/Espesiál.

VIETNAME, 08 maiu 2022 (TATOLI)—Embaixadaora Timor-Leste iha Vietname, Maria Olandina Isabel Caeiro Alves hateten, Komisaun Organizadora (KO) Sea Games Vietname husu embaixada atu aprezenta Timor-Leste nia ikóniku ka patrimóniu kulturál no relijiozu iha ezibisaun Sea Games ba dala-31.

Notísia Relevante: Jogadór na’in-tolu rekupera ona hosi COVID-19 iha Malázia

“Ezibisaun ne’ebé ita vizita ona kada rai hotu hatudu sira-nia tradisaun ho kultura, nune’e sira mós husu ba ita, Timor-Leste, oferese ita-nia ikóniku hanesan imajen Kristu Rei iha Fatucama no sasán tradisionál ruma hodi aprezenta iha sira-nia ezibisaun. Entaun, ita hosi embaixada fó tais-mane no tais-feto, belak, mortel atu sira tau iha espozisaun,” Embaixadora Timor-Leste iha Viatname ne’e hateten ba Agência TATOLI, sábadu ne’e.

Embaixada reprezenta Timor-Leste iha Vietname ne’e, kontribui másimu ba buat hotu ne’ebé komisaun organizadora sira presiza no Timor-Leste rasik hodi simu ekipa hosi Timor-Leste ne’ebé mai partisipa iha eventu Sea Games ne’e.

“Nu’udar embaixadora iha ne’e, hamutuk ho funsionáriu hotu iha embaixada kontente bele simu ekipa hotu hosi Timor-Leste mai partisipa iha eventu ida-ne’e. Maske atleta sira seidauk mai hotu maibé ami kontente tanba ita bele hola parte,” nia dehan.

Partisipasaun Timor-Leste nian iha Sea Games ne’e, hanesan sinál di’ak ida ba Timor-Leste hanesan preparasaun ida adere ba ASEAN.

Durante Timor-Leste nia partisipasaun iha eventu ne’e, embaixada nafatin akompaña no bainhira problema ruma ne’ebé afeta ba timor-oan balun liu-liu ba atleta sira, mak embaixada sei foti medida hodi rezolve.

“Atu kontrola másimu atleta timor-oan sira partisipa iha eventu ne’e, komisaun organizadora Sea Games ho ita-nia Komité Olímpiku Nasionál Timor-Leste (CONTL-sigla Portugés) mak sei kontrola, tanba ami labele tama to’o iha ne’ebá. Ami akompaña nafatin sira no ami sempre hateten buat hotu la’o di’ak, embaixada akompaña de’it. Se problema ruma afeta ba timor-oan ruma, konserteza ami-nia papel atu proteje fó apoiu administrativu bainhira sidadaun Timor presiza,” nia dehan.

Hanesan reprezentante Timor-Leste, nia iha esperansa ba modalidade hirak ne’ebé mak mai partisipa iha eventu ne’e tenke hatudu rezultadu di’ak no bele sai mós vensedór iha jogu balun.

“Ha’u hein katak iha modalidade ruma ne’ebé bele sai vensedór. Ita hatene katak, futeból ita lakon ona ho Filipina maibé jogu tolu ikus hasoru Myanmar, Indonézia no Vietname, ita bele manán,” Eis Komisária Nasionál CAVR ne’e hateten.

Durante atu hahú eventu rejionál ne’e, embaixada Timor-Leste nian iha Vietname konsege halo kooperasaun di’ak ho Komisaun Organizadora Sea Games nian hodi hala’o sorumutu bainhira tama ba eventu ne’e.

Tuir loloos Sea Games tinan 2021 ne’e realiza iha 21 novembru to’o 02 dezembru 2021, maibé tanba pandemia COVID-19 mak ikus mai adia ba maiu 2022.

Asembleia Nasionál Vietname iha fulan kotuk aprova ona millaun $33 hodi organiza eventu multidesportivu ne’ebé partisipa hosi nasaun 11 hanesan Brunei Darusalam, Cambódia, Indonézia, Malázia, Myanmar, Laos, Singapura, Filipina, Timor-Leste, Tailándia no Vietname.

Jogu ne’ebé sei aprezenta iha eventu ne’e regula hosi Federasaun Jogu Sudeste Aziátiku ho supervizaun hosi Komité Olímpiku Internasionál (IOC, sigla inglés) no Konsellu Olímpiku Ázia (OCA, sigla inglés).

Durante multi eventu ne’e, sei iha kompetisaun hamutuk 526 hosi desportu hamutuk 40, ne’ebé antes ne’e Komisaun Organizadora hosi Komité Olímpiku Vietname halo ona evaluasaun no bazea mós hosi regra Southeast Asian Games Federation (SEAGF).

Sea Games ba dala-31 ne’e, ba dahuluk sei aprezenta jogu Xiangqi ka xadres hosi Xina. Eventu ne’e sei partisipa hosi ema maizumenus 10.000, kompostu hosi atleta, ofisiál, delegasaun no mídia ne’ebé sei halo kobertura.

Istória konba-ba Sea Games

Hanesan eventu desportivu prestíjiu iha Sudueste Aziátiku, Jakarta – Sebagai ajang olahraga bergengsi di Asia Tenggara, SEA Games iha ninia istória ne’ebé naruk.

SEA Games nu’udár akrónimu hosu Southeast Asian Games ne’ebé bele interpreta hanesan festa desportivu ka jogu ba Sudueste Aziátiku.  yang bisa juga diartikan sebagai Pesta Olahraga Semenanjung Asia Tenggara. SEA Games tinan 2021 agora ne’e, tanba COVID-19, realiza fali iha fulan-maiu 2022 iha Vietname no modalidade futeból hahú hala’o ona kompetisaun.

1. SEA Games hahú ho naran SEAP Games

Ba dahuluk, festa desportiva ne’e hanaran SEAP Games (Southeast Asian Peninsular Games). Iha loron 22 maiu 1958, iha biban ne’ebá, delegasaun hosi nasaun sira Southeast Asian Peninsula tuie Asian Games iha Tokyo, Japaun.

Sira halo sorumutu no konkorda atu harii organizasaun desportiva ida. Hafoin foti desizaun, SEAP ka SEA Games konseptualiza hosi Vise-Prezidente Komité Olimpiade Thailándia, Laung Sukhurmnaipradit, hanesan Komité Olimpiade Thailándia.

2. Nasaun Fundadór

SEA Games ne’e funda hopsi nasaun sira hanesan Thailándi, Myanmar, Malázia, Laos, Vietname no Kambodia. SEAP Games ka SEA Games ne’e harii atu hametin relasaun liu-liu servisu hamutuk entre nasaun sira iha rejiaun ASEAN.

3. Realiza dahuluk

SEAP Games ba dahuluk realiza iba Bankoke iha 12-17 dezembru 1958. Eventu ne’e partisipa maizumenus atleta 527 no komisaun oreganizadora hosi Thailándia, Myanmar, Dingapua, Vietname no Loes ne’ebé tuir komprtisaun iha modalidade desportiva 12.

4. Membru foun

Iha SEAP Games VIII tina 1975, Federasaun SEAP tetu hodi simu membru nasaun foun Indonézia no Filipina. Nasaun rua ne’e formalmente tama iha 1977, no iha tinan hanesan Federasaun SEAP troka naran sai Southeast Asian Games Federation (SEAGF), no eventu ne’e sai festa desportiva ba nasaun sira iha Sudueste Aziátiku.

Brunei Darrusalam hahú partisipa no tama iha festa desportiva nasaun Sudueste Aziátiku ba dala-X iha Jakarta, Indonézia, no Timor-Leste hahú partisipa festa desportiva Sudueste Aziátiku bad ala-XXII iha Hanoi, Vietname.

Jornalista : Hortencio Sanchez

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here