Igreja Katólika kontinua apela oinsá sosiedade Timor-Leste atu kuidadu no labele soe bebé. Meiu sensibilizasaun Igreja nian ne'e liuhosi monta publisidade iha edifísiu Komisaun Justisa no Pás, Igreja Katedrál Dili. Imajen Tatoli/ Eugénio Pereira.

DILI, 08 maiu 2022 (TATOLI)—Ekipa Saneamentu Munisípiu Dili ne’ebé loro-loron hala’o atividade rekolla lixu, iha domingu tuku 10h00 dadeersan ne’e, hetan bebé mane ida-ne’ebé ema soe no hatoba hela iha plástiku ida-nia laran, iha lixeira Aitarak Laran, Dili.

Notísia Relevante: Uma Kreda lamenta ho inan soe bebé

“Ami atu ra’ut foer mak hetan plástiku mean iha foer fatin. Ami lees plástiku hodi haree tanba dalaruma busa mate ne’e ami labele tula. Entaun, ami loke plástiku haree mak bebé mane ida hatoba iha plastiku laran ho kondisaun mate,” Motorista Nivio Bareto hateten ba jornalista sira iha fatin akontesimentu.

Ekipa Polísia Siéntifika Investigasaun Kriminál (PSIK) haloot bebé nia-isin mate hodi tula ba karreta laboratóriu nian lori kedas ba Hospitál Nasionál Guido Valadares (HNGV). Imajen Tatoli/Felicidade Ximenes.

Ho akontesimentu ne’e, Ekipa Sanemanetu Munisípiu Dili fó hatene kedas ba viziñu no membru polísia balun ne’ebé hela besik iha lixeira ne’e hodi halo konfirmasaun ba parte Polísia Siéntifika Investigasaun Kriminiál (PSIC, sigla portugés).

Iha biban ne’e, ekipa Polísia Siéntifika Investigasaun Kriminál (PSIK) hamutuk ho Polísia Nasionál Timor-Leste (PNTL) dada kedas fita polísia haleu fatin akontesimentu, nune’e PSIK haloot bebe nia-isin mate hodi tula ba karreta laboratóriu nian lori kedas ba Hospitál Nasionál Guido Valadares (HNGV).

Notísia Relevante: PR Lú Olo: Justisa Tenke Sériu Julga Kazu Soe Bebé

Jornalista : Felicidade Ximenes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here