Klibur Instituisaun Ensinu Privadu Timor-Leste (KIEPTIL), hasai foto hamutuk ho Prezidente Repúblika Eleitu José Ramos Horta, iha Gabinete Faról-Dili. Imajen/Natalino Costa.

DILI, 07 maiu 2022 (TATOLI)— Klibur Instituisaun Ensinu Privadu Timor-Leste (KEPTIL), sábadu ne’e, hato’o felisitasaun ba Prezidente Repúblika eleitu, José Manuel Ramos Horta, ba nia vitória ne’ebé hetan iha eleisaun Prezidensiál 2022-2027.

“Ami mai hasoru Prezidente eleitu José Ramos Horta, primieru atu kongratula hanesan Prezidente Repúblika eleitu, dezeju boa sorte no boá traballu ba Prezidente eleitu ba tinan lima oin,” Reprezentante Klibur Instituisaun Ensinu Privadu Timor-Leste (KEPTIL), Pedro Ximenes, ba jornalista sira hafoin ramata enkotru ho Prezidente Repúblika Eleitu, José Ramos Horta, iha Gabinete Faról, Sábadu ne’e.

Nia dehan, liuhosi biban ne’e, parte KEPTIL mós aprezenta hanoin balun ba Prezidente Repúblika eleitu liuliu ba oin bele hamutuk KEPTIL dezenvolve setór edukasaun iha Timor-Leste.

Tanba, edukasaun Timor-Leste, sei iha hela difikudade oin oin, tanba ne’e KEPTIL fó hanoin ba Prezidente Repúblika eleitu, atu oinsá ba futuru ko’alia ho Governu bele dezenvolve di’ak liutan setór edukasaun iha Timor bele la’o diak liután.

“Ami mós hato’o ami nian disponibilidade hanesan Klibur Instituisaun Privadu Timor-Leste, atu bele serbisu Prezidente eleitu hodi bele haree kestaun barak iha seitór edukasaun, eleva kualidade edukasaun iha Timor liuliu entermus edukasaun jerál, haree ba kualidade rekursu úmanus iha Timor”, Pedro Ximenes realsa.

Reitór IOB ne’e dehan, Prezidente konkorda ho hanoin sira ne’ebé KEPTIL aprezenta iha enkontru ne’e.   

“Nia (Prezidente Eleitu), promote katak, nia sei ko’alia ho Governu hodi nune’e bele tau atensaun di’ak atu dezemvolve setór edukasaun,” Nia afirma.

Jornalista: Natalino Costa

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here