Embaxador Indonezia ba Timor-leste,Okto Dorinus Manik,halo enkontru hela ho prezidente autoridade munisipiu Bobonaro,Ernesto de Oliveira Barreto,hodi diskute koperasaun bilateral iha area fronteira terrestre entre Timor-leste ho Indonezia,imagen Tatoli/Sergio da Cruz

BOBONARO, 07 maiu 2022 (TATOLI)— Embaixador Indonézia iha Timor-Leste, Okto Dorinus Manik, sábadu ne’e, realiza enkontru ho Prezidente Autoridade Munisípiu Bobonaro, Ernesto de Oliveira Barreto, hodi diskute koOperasaun bilaterál iha área fronteira terrestre entre munisípiu Bobonaro ho Atambua, Kabupaten Belu, Nusa Tengara Timur (NTT).

Biban ne’e, Embaixadór Okto Dorinus Manik, hateten Indonézia ho Timor-Leste hanesan país viziñu ka maun-alin ne’ebé durante ne’e iha relasaun di’ak tebes, nune’e iha diskusaun ne’e parte troka ideiaa ba malu liuliu foku ba preokupasaun povu nia liga ba setór agrikultura, Turizmu, Edukasaun no Ekonomia.

Embaixadór Indonézia ba Timor-Leste, Okto Dorinus Manik. Imajen Tatoli/Sergio da Cruz

“Ami enkontru ne’e la’o iha ambiente hakmatek loos ho nia objetivu hakarak hametin liutan relasaun bilateral,” Embaixadór ne’e hateten ba jornalista sira iha Kamara Dioseze Malian, sesta ne’e.

Diplomata ne’e konsidera dikusaun durante oras rua resin ne’e iha vatajen di’ak tebes tanba rona preokupasaun no rekomedasaun hodi kompromete sei aprezenta ba parte kompetente sira iha Indonézia, nune’e bele lori dezenvolvimentu ba povu sira iha fronteira.

Iha enkontru ne’e, Diplomata ne’e kompromete fó prioritize atu re-ativa merkadu tradisionál iha Mozong Tunubibi no Turiskain ne’ebé durante taka hela tanba pandemia COVID-19 atu atividade merkaduria bele la’o normál komunidade rai rua bele halo atividade transasaun ba produtu lokál no produtu sira seluk hodi hakbiit ekonomia povu.

Iha setór edukasaun, nia dehan iha tempu badak Pusat Budaya Indonezia (PBI) iha Dili sei apoiu kapasitasaun lingua Indonézia ba profesór sira iha munisípiu Bobonaro.

Alende ne’e, iha setór argikultura sei ko’alia ho Ministru agrikultura Indonézia, nune’e ba oin apoia mós aimoruk vasina ba karau no adubu ba agrikultór sira hodi hasa’e produsaun agrikola no pekuaria.

Iha setór turizmu, Diplomata ne’e dehan, munisípiu Bobonaro mós iha potensiál ba ba turizmu komunitáriu tanba ne’e iha tempu badak Indonézia ho Timor-Leste mós sei selebra akordu atu servisu hamutuk iha área refere.

“Ami iha esperensa katak hafoin pandemia COVID-19 ramata komunidade sira bele halo interasaun no konetividade, nune’e ekonomia parte rua ne’e bele la’o ba oin, la’ós deit Indonézia maibe Timor-Leste mós tenke ba oin tanba ita familia,” nia afirma.

Iha biban hanesan, Prezidente Autoridade Munisípiu Bobonaro, Ernesto de Oliveira Barreto, agredese ba Embaixador Indonézia tanba liuhosi diskusaun ne’e bele iha ona biban hodi hakma’an preokupasaun ne’ebé povu sira iha fronteira enfrenta.

“Liuliu merkadu tradisionál atu nune’e bele evita tranzasaun ilegál tanba se la’e atividade ilegál ne’e sempre la’o tanba nesesidade povu parte rua nia ba oin, hosi  bele hakbiit relasaun servisu hamutuk asegura seguransa iha liña fronteira rai rua nune’e povu bele moris hakmatek,” nia agradese.

Entretantu, Geografikamente munisípiu Bobonaro lokalíza iha parte osidentál nasaun Timor-leste ne’ebé ho nia fronteira internál no externál mak hanesan parte Norte baliza ho munisípiu Liquiça no tasi feto/Ombai,parte súl baliza ho munisípiu Covalima no Ainaro, parte Lorosae baliza ho Ermera no parte loro-monu baliza ho timór osidentál ka  Atambua -Indonézia.

Tuir dadus CVRS períodu II (1  jullu too 31 dezembru 2018) diresaun estatistika munisípiu Bobonaro iha aldeia 192, suku 50 no postu administrative-neen ho nia totál populasaun 114,537,  mane 57,462 no feto 57,075 ho totál uma-kain 24,591.

Língua materna ne’ebé durante ne’e komunidade sira iha munisípiu Bobonaro uza hodi halo komunikasaun ba malu mak hanesan Kemak, Bunak, Tetun-Terik no Bekais,

Poténsia dezenvolvimentu ekonómia lokál liuhosi turizmu mak hanesan, Forte Balibo, Bee Manas Marobo, Bee Manas Borluli, Foho Loelaco Maliana, Foho Odomau, Foho Malitoli (Saburai), Lagoa Bee Malae,Foho Gagap-lau (Atabae),Foho Lesu-luli (Cailaco),Foho Sibi (Lolotoé), foho Lour Gunung Meza (Bobonaro), Phi Chigi,Costaria arte jenatus, Beacou, bazar tradisionál fronteira no fatin kulturál seluk tan.

Iha setór agrikultura área kultiva natar mais ou menus ektare 7,663, área kultiva batar mais ou menus ektare 5,189.5, iha setór Hortikultura, Forekeli, Batar, Hare, Maek, foré, koto, fore-rai, Lis mean ho mutin,modo-tahan, kankun, mostarda no seluk tan.

Iha setór pekuária hanesan Karau Timur, Karau vaka, bibi, fahi no manu. Enkuantu setór agro-floresta mak hanesan sandalu, gaharu, kamí, aí-teka, kafé (arabica ho rebusta) ho nú.

Iha setór Rekursu-Minerál mak hanesan, Gás (Holmesél-suku Sibuni, suku Lour no suku Karabau), magnesium (suku Saburai no Cowa-Balibo), diamante, uranium (Marobo), rai-henek fatuk no seluk tan.

Jornalista : Sergio da Cruz

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here