Diretora Apoiu Diagnóstika no Terapriotiku, Judit Imaculada. Imajen Tatoli/Celestina Teles

COVALIMA, 06 maiu 2022 (TATOLI)—Diretora Apoiu Diagnóstika no Terapriotiku, Judit Imaculada hateten, iha trimestre dahuluk (janeiru-marsu) ne’e Ospitál Referénsia Covalima fó partu normál ba inan isin-rua hamutuk na’in-213.

“Hahú iha fulan-janeiru to’o marsu ne’e ospitál referénsia Covalima fó partu inan isin-rua ne’ebé  partu ho  normál hamutuk 213,” Judit Imaculada hateten ba jornalista sira iha nia knar fatin, sesta ne’e.

Tanba ne’e, Ospitál Rferénsia Covalima la halo atendimentu ba inan isin-rua ne’ebé halo konsulta baibain, maibé simu simu inan isin-rua ne’ebé transfere hosi sentru saúde sira bainhira partu ho komplikasaun.

 “Ami iha ospitál la halo konsulta inan isin-rua maibé ami simu de’it inan isin-rua transfere hosi sentru saúde, bainhira inan isin-rua partu ho komplikasaun sentru saúde transfere mai iha ospitál referénsia mak ami halo konsulta,” nia informa.

Tanba ne’e hahú fulan janeiru to’o marsu pesoál saúde iha óspitál referensia fó partu ba inan isin-rua ne’ebé partu ho normál hamutuk na’in 213 no partu Cesariana hamutuk na’in-40

Aleinde ne’e, iha triemstre dahuluk ne’e, Ospitál Referénsia Covalima mós óbitu hamutuk na’in- 29.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here