Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 06 maiu 2022 (TATOLI)Governu liuhosi reuniaun Konsellu-Ministru, sesta ne’e, aprova projetu rezolusaun governu hodi kria Komisaun Inter-ministeriál ba koordenasaun kadeia valór hodi estimula ba produsaun lokál.

Primeiru-Ministru, Taur Matan Ruak, maka aprezenta projetu rezolusaun governu nian ne’e ba iha reuniaun KM hodi diskute no hetan  aprovasaun husi membru governu sira.

Notísia relevante : Governu hahú diskute polítika ba intervensaun folin sasán

“Objetivu husi Komisaun Interministeriál ida-ne’e atu aprezenta rekomendasaun sira ba Konsellu Ministru ne’ebé ninia objetivu maka hadiá koérensia polítika públika sira nian, husi sistema no prosedimentu administrativu sira no kuadru jurídiku nian, kona-ba koordenasaun kadeia valór no estímulu ba kreximentu produsaun nasionál nian,”Ministru Prezidénsia Konsellu Ministru, Fidelis Manuel Leite Magalhães hateten.

Portavóz Governu ne’e akresenta, kadeia valór ne’e ho ninia objetivu prinsipál maka durante tinan 2020 to’o agora governu halo ona intervensaun lubun ba sidadaun sira no inzesaun ba iha ekonomia nasionál.

“Maibé ita presiza hadi’a produsaun rai-laran nune’e apoia hirak ne’ebé maka ita hetan inzesaun osan hirak ne’ebé ita hetan bele aumenta ita-nia produsaun nasionál, ida ne’e presiza koordenasaun ne’ebé di’ak liu sei lidera hosi primeiru-ministru koajuva hosi ministru koordenadór asuntu ekonómiku, kompostu hosi ministériu relevante sira hodi hasa’e produsaun rai-laran,” nia esplika.

Entertantu, iha loron 03 fulan-maiu 2022, Primeiru-Ministru, Taur Matan Ruak, konvoka reuniaun ida ho Ministru Turizmu Komérsiu no Indústria, José Lucas do Carmo da Silva, Vise-Ministru Agrikultura no Peska, Abílio Xavier de Araújo, no mós Sekretáriu Estadu Peska, Elídio de Araújo hodi ko’alia kona-ba polítika Governu hodi halo intervensaun ba folin sasán iha merkadu.

Ministru Turizmu Komérsiu no Indústria (MAP), José Lucas do Carmo da Silva, hateten atu normaliza presu sasán nesesidade báziku iha rai-laran maka persiza aumenta produsaun iha rai-laran liuhosi  ezisténsia setór produtivu sira hodi prodúz barak liután.

Aleinde ne’e, Governu planea sei fó mós  kreditu ba empreza distributor sira ne’ebé maka durate ne’e halo distribuisaun ba sasán nesesidade bazíka nune’e bele faan sasán ho presu normal ba konsumidór sira iha Timor-Leste.

Jornalista : Antónia Gusmão

Editór       : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here