Vise-Prezidente Komisaaun Organizadora Munisípiu Baucau, Bernardo Ornai. Imajen Tatoli/Natalino Belo.

BAUCAU, 06 maiu 2022 (TATOLI) – Autoridade Munisipál Baucau liuhosi komisaun organizadora sei realiza feira produtu lókal iha ámbitu selebrasaun loron independénsia 20 maiu.

Vise-Prezidente komisaun organizadora munisípiu Baucau, Bernardo Ornai, hateten liuhosi reuniaun fahe estrutura komisaun no atividade bazea ba divizaun tarefa tuir responsablidade idak-idak nian.

Nune’e mós komisaun sei realiza atividade hanesan misa agradesimentu ba eroi nasionál sira, animasaun múzika hosi artista nasionál, kampaña imunizasaun ba komunidade Baucau.

“Feira sei abertura iha loron 16 maiu hamutuk ho aktividade kampaña vasinasaun ba komuniade sira ne’ebé seidauk simu vasina,” Vise prezidente Komisaun organizador informa ba Agénsia Tatoli iha vila nova, sesta ne’e.

Tuir planu, komisaun organizadora sei realiza enkontru ikus iha loron 9 maiu hodi deside hamutuk antes implementa programa no atividade ba selebrasaun loron nasionál restaurasaun independénsia 20 maiu iha Baucau.

Totál orsamentu ba selebrasuan loron 20 maiu iha munisípiu Baucau hamutuk rihun $6 ne’ebé sei fahe ba kada postu admistrativu sira hamutuk $750 no autoridade rihun $1.5.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here