Karreta truck ne’ebé tula estudante UNDIL hetan asidente tráfegu iha Aldeia Marabia, suku Lahane Orientál, postu adminsitrativu Na’in-Feto, munisípiu Dili. Imaje/espesiál

DILI,06 maiu 2022 (TATOLI)— Xefe Departamentu Emerjénsia Hospitál Nasionál Guidu Valadares (HNGV), Flavio Jose Boavida, informa karreta truck hetan asidente trafégu iha Aldeia Marabia, suku Lahane Orientál, postu administrativu Na’in-Feto, munisípiu Dili, rezulta estudante Universidade Dili (UNDIL) na’in- 29 mak halo tratamentu saúde iha HNGV tanba hetan kanek.

“Hosi asidente ka karreta truck baku fila rezulta estudante UNIDL na’in-29 hetan kanek ne’ebé hetan kedas tratamentu hosi médiku sira iha sala emerjénsia,” Xefe Departamentu Emerjénsia HNGV ne’e hateten ba Agência TATOLI iha nia knaar fatin HNGV-Bidau, sesta ne’e.

Iha asidente tráfegu kuaze estudante na’in-29, kompostu hosi mane na’in-10 no feto 19, hosi númeru ne’e maioria hetan kanek kmaan.

Hosi totál ne’e, estudante na’in-26 mak fila ba uma ona tanba kondisaun estavél no na’in-tolu mak baixa hela iha sala emerjénsia no hetan tratamentu médiku espesialista. 

“Estudante na’in tolu ne’e kondisaun la grave tanba pasiente na’in-ida nia ruin boot halai ses malu husi parte karuk, ida seluk tohar iha kabas parte loos nian no ida tan ruin mak ses malu iha parte kabas entaun sira ne’e tenke hetan tratamenu espesial,” Resposavél ne’e akresenta.

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here