Negosiante faan bandeira RDTL iha estrada ibun besik Palásiu Governu, kuarta (04/05). Imajen Tatoli/Francisco Sony.

COVALIMA, 05 maiu 2022 (TATOLI)–Xefe Suku Debos, Agostinho da Silva, husu komunidade atu dada-sa’e bandeira RDTL iha ida-idak nia uma oin, hodi partisipa no komemora loron restaurasaun independénsia ba dala-XX (20 maiu 2022-20 maiu2022).

Notísia Relevante: Selebra 20 maiu: Autoridade Covalima husu negosiante rejista partisipa bazar kalan

“Ha’u fó hanoin ba komunidade no xefe aldeia na’in-sia (9) iha suku Debos, hahú agora ita prepara an hamos ita-nia uma oin, hadia lutu no dada-sa’e bandeira RDTL hodi komemora loron independénsia 20 maiu,” Agostino da Silva hateten ba Agência Tatoli, iha sede suku Debos, kinta ne’e.

Aleinde ne’e, nia fó sai avizu atu komunidade ida-idak hodi halo limpeza ka hamoos uma oin, nune’e bele selebra loron boot ne’e ho ambiente ne’ebé moos.

“Ha’u-nia mensajen ba populasaun iha suku debos, ita agora prepara an hodi komemora loron restaurasaun independénsia Timor-Leste, nune’e fó hanoin ba komunidade halo limpeza iha uma oin no estrada ninin sira-ne’e,” nia apela.

Suku Debos pertense ba postu administrativu Suai Vila ne’ebé ho nia aldeia hamutuk sia (9) mak hanesan aldeia Asumaten, Asurai, Ahinarai, Tabakolot, Loqueu, Busacucun, Lontale, Lakonak Babo no Lakonak Besik.

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here