Imajen google

DILI, 05 maiu 2022 (TATOLI) –Ministériu Administrasaun Estatál (MAE) prevee ona Orsamentu Retifikativu (OR) millaun $10 hodi sosa kalén hamutuk metru millaun ida hodi distribui ba uma kain 4.500. Apoiu kalén sira ne’e hodi ajuda troka benefisiáriu sira ninia uma ne’ebé kalén feruzun ona.

Ministru MAE, Miguel Pereira de Carvalho, isplika ajuda ne’e atu fo ba família sira ne’ebé identifika ona kalén aat ou ferrujen.

“Ha’u hakarak dehan katak kalén ne’ebé ita atu fó ba família sira ne’e la loos kalén  arbiru. Maibé, kalén sira ne’e ho kualidade di’ak. Kalén sira ne’e ninia presu iha merkadu  tinan haat ka lima liu ba kotuk   ho folin hosi $10 dolar to’o $11 dolar kada metru. Kalén sira ne’e sei sosa  hosi Australia,” dehan Ministru Miguel iha Parlamentu Nasionál.

Ministru Miguel informa katak sé kalén sira ne’e maka ninia kustu kada  metru ho presu $10 dolar, maka osan millaun $10 ne’e MAE prevee sosa   kalén  metru  millaun ida ho kualidade diak. Ne’ebé estimasaun MAE kada uma sei hetan kalén hamutuk metru 200 hodi ajuda benefisiáriu sira ne’e hodi bele troka kalén feruzun sira.

Membru governu ne’e hatutan tan katak, kalén sei sosa  depende ba medida uma nian bazeia ba BOQ no dezeñu sira. Tanba uma balun bele  hetan liu  metro 250, no uma balun fali bele hetan menus liu. Maibé MAE prevee kuandu bainhira kompras hotu  bele distribui ba uma hamutuk 4,500.

Nia dehan tan katak, kalén ne’ebé maka sei distribui ba benefisiáriu sira  sei hetan apoiu hosi sekretariadu tékniku mákina programa Nasionál Dezenvolvimentu Suku ba programa rural  atu bele implementa programa uma kbiit laek plus ne’e.

Governante ne’e haktuir katak programa apoiu kalén ba benefisiáriu sira ne’e tama iha kategoria B. Populasaun ne’ebé mak sai benefisiáriu ba kategoria ne’e sira ne’ebé maka iha rendimentu nato’on hodi apoiu de’it nesesidade uma laran maibé laiha kbiit atu hadi’a sira nia uma hodi bele hela iha moris saudavel no dignu.

Jornalista: Tomé Amado

Editóra    : Armandina Moniz

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here