Prezidente Repúblika Portugál, Marcelo Rebelo de Sousa. Imajen/Espesiál.

DILI, 05 maiu 2022 (TATOLI)—Embaixadora Portugal, Maria Manuela Freiras Barros, hateten Prezidente Repúblika Portugál, Marcelo Rebelo de Sousa, sei vizita eskola portugeza iha Timor-Leste.

Notísia Relevante: MNEK: Bainaka rua resposta positiva no ida seluk posibilidade

“Prezidente Repúblika Portugál mai vizita Timor-Leste atu haree mós eskola portugeza no partisipa selebrasaun tomada pose ba Prezidente Repúblika eleitu, José Ramos Horta, no partisipa mós loron restaurasaun independénsia Timor-Leste ba dala-XX,” Embaixadora Portugál ne’e hateten ba Agência TATOLI, hafoin enkontru ho Xefe Governu, iha Faról, Dili, kuarta ne’e.

Embaixadora ne’e hatutan, Xefe Estadu Portugál ne’e sei hala’o buat barak iha loron tolu ne’e nia-laran no PR Portugál hetan konvite hosi Primeiru-Ministru Timor-Leste, Taur Matan Ruak.

“Ida naturalmente kontatu bilaterál no ida-ne’e vizita ba dahuluk nian,” nia dehan.

Antes ne’e, Ministru Administrasaun Estatál (MAE), Miguel Ferreira Carvalo, hateten Governu liuhosi MAE no entidade relevante sira seluk nu’udar komisaun organizadora ba eventu rua hanesan serimónia pose PR eleitu no komemorasaun loron restaurasaun independénsia 20 maiu tinan ne’e, daudaun ne’e la’o hela no garante preparadu hodi realiza serimónia ofisiál Estadu nian ne’e.

Atu realiza serimónia toma pose ne’e hetan susesu, Governu Timor-Leste aloka orsamentu millaun $1,6 ba realizasaun atividade simu pose no selebrasaun loron restaurasaun independénsia ba dala-XX (20 maiu 2022-20 maiu 2022) ne’e.

Notísia Relevante: Bainaka 2.500-resin sei partisipa serimónia fó pose ba Ramos Horta

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here