Profisionál Saúde-sira hala’o kampaña nasionál fase liman iha arredór HNGV, hodi prevene surtu COVID-19, kinta (14/05). Imajen Tatoli/António Gonçalves.

DILI, 05 maiu 2022 (TATOLI)—Hospitál Nasionál Guido Valadares (HNGV), kinta (05/05), selebra loron mundiál fase liman atu elemina no prevene  moras infesaun sira hosi ema ida ba ema seluk.

“Loron mundiál fase liman ne’e importante tebes   liuliu ba ami profisionál saúde hotu espesiál ba HNGV tanba iha vida saúde ne’e atu bele elemina no prevene moras infesaun sira  husi ema ida ba ema seluk. Hanesan hosi profisionál saúde ba ita-nia pasiente sira no ba ema seluk,” Diretór Ezekutivu HNGV, Alito Soares hateten ba jornalista sira iha HNGV-Bidau.

Komemora loron mundiál fase-liman ho hanoin katak hanesan medida simple tebes  ba atu bele prevene moras infesaun sira hodi redús mortalidade.

Tanba moras infesaun nia transmisaun hola parte ba fatór risku sira ne’ebé la hatoman aan fase liman hodi prevene no trava moras infesaun sira hosi pasiente ba profisionál saúde no ba ema jerál.

Nune’e, HNGV hahú implementa Sistema hatoman aan fase liman hosi profisionál saúde iha Unidade no Departamentu balun iha sala krítiku sira hanesan iha sala perimatolojia, sala krítiku ICU, oronáriu no kardiaku.

“Husu ba visitór sira ne’ebé mak atu vizita pasiente kritiku sira tenke fase liman ho objetivu labele lori moras infesaun hosi fatin seluk ba transmite fali pasiente sira iha ICU no perinatoljia,” nia afirma.

Ho fase liman sei hakotu korente infesaun tanba dala barak akontese husi liman bele transmite moras ba an rasik no ema seluk.

Tuir padraun ne’ebé fó husi OMS katak fase liman loloos iha etapa purvolta 10 hodi nune’e bele livre husi virus ka kutun ruma hodi evita da’et ba ema seluk.

 Etapa fase liman ida loos maka, dahuluk habokon liman ho bee no tau sabaun natoon, daruak, kose liman laran no kotuk, datoluk, kose liman fuan no sanak sira.

Dahaat, kose liman laran ho liman fuan sira metin, dalima, kose liman fuan sira ba liman kotuk, liman karuk no hanesan ba liman parte loos nian.

Daneen kose haleu liman fuan boot liman karuk nian, halo hanesan ba liman loos, dahitu kose liman fuan sira husi liman loos nian ba liman fuan laran liman karuk nian, halo hanesan ba liman loos, daualu fase liman ho bee, dasia hamaran liman didiak ho tisu, dasanulu hamate torneira ho tisu.

Notísia relevante:  CARE Internasionál selebra loron mundiál fase liman

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here