Kombinasaun dansa kultura uza bandeira RDTL, iha ambitu promove marka turizmu liuhosi Pintura. Imajen Tatoli/Francisco Sony.

DILI, 05 maiu 2022 (TATOLI)-Primeiru-Ministru, Taur Matan Ruak, husu ba povu Timor-Leste atu hasa’e Bandeira Nasionál RDTL iha idaidak nia uma-oin hodi komemora aniversariu loron restaurasaun independensia ba dala XX, 20 maiu 2002-2022.

Primeiru-Ministru, Taur Matan Ruak, hala’o seremónia despedida ho kontinjente atletas no ofisias sira ne’ebé sei partisipa iha Jogus Sudeste Aziátiku ka SEA GAMES 2022 iha Vietname. Iha Palásiu Governu, kinta (05/05). Imajen Tatoli/Francisco Sony

Bandeira nasionál simblu nasaun nian ne’ebé maka povu tomak luta hodi hetan ninia independensia durante tempu naruk, tanba ne’e Timoroan iha rai-laran no diáspora persiza festeza loron istóriku ne’e.

“Ha’u hanoin 20 maiu ne’e loron importante, loron orgullu ba ita-nia nasaun no ba ita tomak ha’u agradese karik hothotu dada Bandeira iha uma-oin, ne’e di’ak no furak loos,” Xefe Governu hateten hafoin remata reuniaun semanál ho Prezidente Repúblika, Francisco Guterres ‘Lú Olo’, iha Palásiu Prezidensiál, Bairu-Pité, kinta ne’e.

Garante eletrisidade lamate durante seremónia

Iha parte seluk, Xefe Governu mós garante eletrisidade sei la mate durante serimonia investidura Prezidente Repúblika foun, José Ramos Horta,  ne’ebé maka sei realiza iha loron 19 maiu 2022,  iha meia noite (00:00) oras Timor-Leste.

“Konserteza halo festa iha nakukun laran ne’e ladun di’ak no la-furak ne’ebé ita-nia empreza estatál (EDTL) sei garante másimu nune’e iluminasaun la’ós de’it iha fatin seremónia liliu iha sidade laran bele kontinua lakan nafatin”, eis Xefe Estadu ne’e hateten.

Kona-ba asuntu preparasaun ne’e, Taur Matan Ruak, ohin relata ona ba Prezidente Repúblika, Francisco Guterres Lú Olo, katak preparasaun atinje ona pursentu 70. No preparasaun rasik sei remata iha loron 18 fulan-maiu 2022.

Jornalista : Antónia Gusmão.

Editór      : Agapito dos Santos

PUBLISIDADE HUSI MTCIiklan