Ministru Agrikultura no Peska (MAP), Pedro dos Reis, hamutuk hamutuk ho organizasaun internasionál no movimentu oioin iha mundu partispa Kongresu mundiál Floresta ba dala-XV iha Korea Súl, Imajen/Espesiál

DILI, 05 maiu 2022 (TATOLI) – Ministru Agrikultura no Peskas (MAP), Pedro dos Reis, nu’udar delegasaun hosi Timor-Leste ba Seoul Koreia Súl hodi partisipa atividade Kongresu Mundiál Floresta ba dala–XV (XV World Forestry) ne’ebé hala’o iha loron segunda (02/5/2022).

Kongresu mundiál floresta refere, nu’udar espasu mundiál ida ne’ebé halibur nasaun hotu iha mundu, konta mós ho prezensa organizasaun internasionál, sosiedade sivíl, setór privadu, akadémiku no siéntista sira, organizasaun juventude no movimentu oioin iha mundu.

Ministru Agrikultura no Peskas (MAP), Pedro dos Reis. Imajen espesiál

“Timor-Leste orgullu bo´ot bele hetan konvite hodi hola parte iha eventu mundiál ida ne’e, nu’udar biban murak atu ita aprende hosi nasaun seluk, haluan konetividade ho rede internasionál sira liuhosi forum ho temátika oioin no mós esplora posibilidade oioin liuhosi konversa informál sira”, Pedro Dos Reis, hateten liuhosi nota ne’ebé Agência Tatoli, asesu kinta ne’e.

Objetivu hosi kongresu mundiál floresta iha tinan ida ne’e mak atu diskute kona-ba degradasaun florestál, lakon biodiversidade, restaurasaun paijazen floresta no reflorestasaun hodi reduz risku mudansa klimátika no hadi’a sistema ai-hán ne’ebé seguru liu.

Kongresu mundiál floresta hala’o kada tinan neen dala ida, nune’e iha tinan neen liu ba hala’o iha Durban Áfrika Súl iha tinan 2015, no tinan ne’e hala’o iha Seoul Koreia.

Jornalista : Arminda Fonseca

Editór : Zezito Silva.

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here