Imajen espesiál

DILI, 05 maiu 2022 (TATOLI) – Ministru Agrikultura no Peskas (MAP), Pedro dos Reis, asina akordu koperasaun ho Empreza SK Forest Co,Ltd iha Koreia Súl, ho objetivu atu halo jestaun floresta ne´ebé sustentável, hadi´ak karbonu no hadi´k ema-nia moris iha Timor-Leste.

Empreza Sk Forest koñesidu iha Koreia Súl ne’ebé iha ona disponível atu apoia Timor-Leste iha jestaun floresta sustentável nian, tanba ne´e, akordu realiza perante kongresu mundiál floresta ba dala-XV iha Koreia Sul, 04/05/2022.

“Ha’u agradese ba kompañia Sk Forest Co,Ltd, ne’ebé disponível atu apoiu Timor-Leste ba oin, ha’u filafali ba Timor-Leste hein kompañia Sk Forest Co,Ltd, nia vizita ba Timor-Leste hodi hametin kooperasaun”, refere Pedro dos Reis, liuhosi komunikadu ne’ebé Agência Tatoli, asesu, kinta ne’e.

“Nune’e ita aproveita másimu tebes ba oportunidade ne’e, tanba prezensa Timor-Leste nian iha Kongresu Mundiál Floresta nian ne’e hametin lasu amijade ho parseiru sira hosi nasaun oioin nune’e mós buka oportunidade hodi servisu hamutuk ho parte relevante sira hodi husu tulun atu apoiu ba Timor-Leste nia dezenvolvimentu liuliu iha setór agrikultura.

Vise-Prezidente no nu’udar Ezekutivu ba Empreza SK Forest, Si-Jong Lim, revela katak kooperasaun entre nasaun rua ne´e importante,”Sente kontente tebes tanba bele halo kooperasaun ho Timor-Leste iha área ba jestaun floresta sustentável, hadi’ak karbonu no hadi’ak ema-nia moris iha Timor-Leste”.

Jornalista : Arminda Fonseca

Editór : Zezito Silva.

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here