Ministru Edukasaun Juventude no Desportu, Armindo Maia. Imajen/Egas Cristovão

DILI, 05 maiu 2022 (TATOLI) – Problema hadau malu rai no rai monu difikulta prosesu reabilitasaun Eskola Ensinu Báziku Filiál (EBF) rua iha Munisípiu Bobonaro no Ermera.

Liafuan ne’e fo sai husi  Ministru Edukasaun Juventude no Desportu (MEJD), Armindo Maia ba Tatoli iha Ministériu Edukasaun, Vila Verde, kinta ne’e.

“Ha’u hakarak dehan daudaun ne’e ita iha dadus totál eskola hamutuk 203 mak tama iha planu projetu komunitária atu hetan reabilitasaun no konstrusaun. Maibe, iha eskola rua maka hasoru difikuldade tanba sei iha hela problema hadau malu rai no rai monu,” dehan Ministru Armindo.

Nia dehan, eskola  EBF rua ne’e mak hanesan Eskola Hauba iha Munisípiu Bobonaro infrenta problema hadau malu rai. Parte seluk,  EBF ida iha Atsabe, Ermera, labele kontinua reabilitasaun tanba rai monu.

Maibé Ministru ne’e hateten, prosesu konstrusaun no reabilitasaun ba eskola sira balun atraza, mais nia garante katak to’o fulan juñu prosesu sira ne’e  tenke atinje ona 50%. Tanba daudaun ne’e kuaze orsamentu hotu aloka ba konta bankária grupu komunitária ida-idak nian.

Parte seluk, konaba materiál konstrusaun no reabilitasaun ba projetu komunitária ba eskola 203 iha territóriu nasionál ne’e, tuir membru governu ne’e katak iha duni kualidade tanba materiál sira ne’e molok atu sosa  sei lori ba halo teste   iha laboratóriu hodi hatene ninia kualidade. Ne’e duni prosesu ba eskola 203 ne’e sei finaliza iha setembru ou outubru tinan ne’e.

Entretantu totál orsamentu ne’ebé aloka ba prosesu konstrusaun no reabilitasaun ba eskola 203 iha territóriu nasionál hamutuk $20.274.586,97.

Jornalista: Tomé Amado

Editóra    : Armandina Moniz

PUBLISIDADE HUSI MTCIiklan

1 KOMENTÁRIU

  1. Agradese ba ministeriu Edukasaun senhor Armindu Maia prekupasaun no observasaun b problema hirak ne’ebe akontese iha eskola refere,,,No iha hanoin diak no Responsablidade Duni ba eskola no estudante sra nx futuru,,,Dala¹ agradese ba senhor nx prekupasaun laran Luan❤️🙏.
    Ba Hau,Hau iha prekupasaun no sugestaun ne’ebe a² hato’o ba senhor Mak tuir Mai ne’e:
    1. Senhor iha hanoin foun Mai Ami estudante hirak ne’ebe remata nx Estudu iha universidade iha Area Edukasaun L.Ed(S¹) ne’ebe agr Sai vitima ba nx futuru.
    2.Senhor Tenke loke netik Professor/a volontariu iha refere,,Tamba Ami Sai Tama eskola iha Timor Leste Maibe Detektor hotu² la simu Ami a² volontariu iha eskola refere.
    3.Senhor tenke tun Dereita ba eskola hotu² iha Timor Leste, haji husi insinu Basuki to’o iha insinu superior hodi observa ba problema hirak nea,Tamba Ami hare eskola hotu2 sra asitim familia dt MK hanorin iha eskola refere,,,Ema ne’ebe Mak hnorin iha ensino Sikundaria,,maibe balun Diploma S¹ la iha no parte sluk husi ensino basiko balun Diploma SmA MOS la iha,,Maibe sra mz ble hanorin iha eskola,,Nusa Mak Ami Ida remata iha ensino superior ho area edukasaun (S¹) Maibe hkrak volontariu Sira lakoi simu,,Maibe sra nx familia rasik b hasoru volontariu sra simu Maibe ho dt diploma ble hnrin iha skla sekundaria.
    4.Senhor tenke rezolve problema hirak ne’ebe Ami estudante hsi fakuldade Edukasaun ne’ebe remata nx Estudu iha nivel Superior L.Ed(S¹)
    5.Sei senhor Sira la fo Oportunidade Mai Ami estudante hirak ne’ebe remata nx Estudu iha nivel Superior iha area edukasaun lakoi volontariu,,,Entaun senhor Taka dt Fakuldade Edukasaun iha Universidade Timor Leste nxa Duke loke fakuldade kada univerdade hanesan Ema buka dt nx familia Mak hnorin eskola refere,,,hnsan Ami sra seluk2 familia la iha nea Mak Sai vitima ba Ami nx futuru,,saran w oan jual inan aman mate lakon Osan boot to eskola remata hasoru Derector eskola hotu² la simu w a² volontariu,,,

HAKEREK NO HATÁN

Please enter your comment!
Please enter your name here