iklan

MUNISÍPIU, VIQUEQUE

Distribuisaun liña eletrisidade la haree ba númeru populasaun

Distribuisaun liña eletrisidade la haree ba númeru populasaun

Ekipa tékniku EDTL,E.P halo manutensaun ba liña distribuisaun eletrisidade iha sidade Dili. Imajen TATOLI/António Gonçalves.

VIQUEQUE, 05 maiu 2022 (TATOLI)-Xefe suku Uaibobo, postu administrativu Ossu, Golarte Melo Guterres, hatete komunidade aldeia haat ne’ebé asesu uluk eletrisidade la haree ba númeru populasaun no uma kain.

Aldeia sira ne’ebé asesu eletrisidade maka Sogau, Leo, Uanise, no Mundailo ho  totál uma kain hamutuk 233.

Dokumentu sensu populasaun no uma kain 2010 rejistu suku Uaibobo ho aldeia Uanise totál populasaun ema nain tolu, mane ida, feto rua, uma kain ida; Leo totál ema nain neen, mane rua, feto haat, totál uma kain ida, Sogau totál ema 15, mane hitu, feto ualu, totál uma kain tolu; Mundailo totál ema nain 14, mane neen, feto ualu, totál uma kain tolu.

Aldeia seluk; Darenau totál ema 263, mane 132, feto 131, totál uma kain 70; Samaliurai totál ema 106, mane 53, feto 53, totál uma kain 24; Uaitau totál ema 188, mane 92, feto 96, totál uma kain 43.

Notísia relevante: Aldeia haat hosi suku Uaibobo asesu ona eletrisidade

“Projetu eletrifikasaun ne’e la haree ba volume uma kain, maibé orsamentu sai ne’e hamutuk pakote ida, totál área 33 ba programa implementasaun projetu”, Golarte Melo Guterres hateten ba jornalista Agência Tatoli iha Viqueque, kinta ne’e.

Nia dehan, komunidade redús ona gastu ba mina rai, tanba eletrisidade tama ona ba komunidade sira-nia hela fatin. Hosi aldeia haat ne’ebé asesu naroman, foin maka iha jeleira ida no uma kain lima maka foin uza televizasaun.

“Hosi enerjia eletrisidade ne’e, komunidade hosi aldeia haat ne’ebé asesu ona ba eletrisidade dadaun ne’e seidauk uza negosiu, tanba eletrisidade foin maka tama iha suku”, tenik nia.

Jornalista       : Vitorino Lopes da Costa

Editora           : Rita Almeida

iklan
iklan

Leave a Reply

iklan
error: Content is protected !!