Prezidente Repúblika, Francisco Guterres 'Lú-Olo'. Imajen Tatoli/Antonio Gonçalves.

DILI, 05 maiu 2022 (TATOLI)–Prezidente Repúblika, Francisco Guterres Lú Olo, aban, sei dezloka ba Kuala Lumpur, Malázia atu hala’o tratamentu saúde.

Tuir komunikadu imprensa ne’ebé Agência Tatoli asesu, kinta ne’e, haktuir Prezidente Repúblika iha ninia karta ba Prezidente Parlamentu Nasionál, Aniceto Longuinhos Guterres Lopes, iha 4 maiu, hateten sei auzente hosi territóriu nasionál ho motivu asisténsia médika, entre 6-13 maiu 2022.

Tuir Konstituisaun artigu 80, konjuda ho artigu 10 husi Estatu Titulares Órgaun Soberania, Prezidente Repúblika, fó koñesimentu ba Parlamentu Nasionál molok husik territóriu nasionál.

Konstitusaun artigu 80 (Auzénsia) iha númeru 1 hateten Prezidente Repúblika labele sai hosi territóriu nasionál se laiha konsentimentu Parlamentu Nasionál nian eh, Parlamentu la halibur karik, tenki hetan konsentimentu husi Komisaun Permanente.

Iha númeru 2 haktuir, la kumpre regra iha númeru 1 hanesa determina iha artigu ne’e karik, nia sei bele lakon ninia kargu, tuir lei haruka iha artigu nia regra uluk ba.

Iha númeru dehan, bainhira atu halo viajen partikulár, ho durasaun lato’o loron sanulu resin lima, la presiza husu lisensa ba Parlamentu Nasionál, maibé, Prezidente-Repúblika tenke hato’o koñesimentu ba Parlamentu Nasionál.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here