Deputadu sira halo debate no votasaun Proposta Lei OJE 2022 iha espesialidade, iha sala plenária Parlamentu Naasional, kinta (09/12/2021). Imajen Tatoli/Antonio Dasiparu

DILI, 05 maiu 2022 (TATOLI)— Tuir kalendáriu iha segunda (09/05), Parlamentu Nasionál no VIII Governu Konstitusionál, hahú debatae proposta Orsamentu Ratifikativu (OR) ho montante billaun $1,129.

Proposta OR ho montante billaun $1,129, ne’ebé prevee ba transferénsia públika $1,837,634.189, bens no servisu $466,877.382, kapitál dezenvolvimentu $390,177.399, saláriu no vensimentu $250,537.130 no kapitál menór $41,914.097.

Notísia Relevante: MEJD prevee OR millaun $9 apoiu estudante sira iha eskola públiku no privadu

“Diskusaun audénsia públika ba Orsamentu Retifkativu hotu ona, nune’e ohin, komisaun C halo finalizasaun ba relatóriu pareser audénsia públika Orsamentu Retifikativu nian. Nune’e iha loron 9 maiu, ita submete ba diskusaun iha faze jeneralidade,” Vise Prezidente Parlamentu Nasionál, Luis Roberto, hateten ba Agência TATOLI, iha Parlamentu Nasionál, kinta ne’e.

Vise-Prezidente Parlamentu Nasionál, Deputadu Luis Roberto da Silva. Imajen TATOLI/Doc.

Nia esplika Orsamentu Retifikativu ne’e ho karakter urjénsia, nune’e iha pareser ba diskusaun jeneralidade halo iha loron ida de’it.

“Ha’u hanoin diskusaun jenerálidade bele loron ida de’it no loron tuir mai ita tama ba debate iha faze espesialidade no halo kedan aprovasaun hodi submeter ba Prezidente Repúblika atu promulga,” Vise Prezidente ne’e afirma.

Governu submete ona proposta Orsamentu Retifikativu (OR) ba Parlamentu Nasionál (PN) no hakarak atu debate orsamentu refere ho karaktér urjénsia, nune’e bele responde lalais nesesidade iha rai laran.

Entertantu, iha loron 27 abríl ne’e Governu ne’ebé reprezenta hosi Ministru Finansa, Rui Gomes, ho Ministru Asuntu Parlamentár no Komunikasaun Sosiál (MAPKOMS), Francisco Jerónimo, submete ona proposta orsamentu retifikativu (OR) 2022 nian ba Parlamentu Nasionál ho montante billaun $1,129, ne’ebé prevee ba transferensia públika $1,837,634.189, bens no servisu $466,877.382, kapitál dezenvolvimentu $390,177.399, saláriu no vensimentu $250,537.130 ho kapitál menór $41,914.097.

Orsamentu Retifikativu ho montante billaun $1,129 atu finansia medida komplementár 13 ho nia alokasaun orsamentu mak hanesan;

  1. Kriasaun Fundu Veteranu ho orsamentu alokadu biliaun $1;
  2. Atribuisaun pagamentu désimu terseiru $200 ba kada família (eseptu funsionáriu públiku sira) ho orsamentu alokadu millaun $70;
  3. Uma Kbiit Laek Plus ho orsamentu alokadu millaun $25;
  4. Bolsa estudu ba mellor graduadu estudante ensinu báziku no sekundáriu ho orsamentu alokadu millaun $7,5;
  5. Programa Mão de Obra ba Postu Administrativu millaun $7,2;
  6. kafé no subsídiu ba kafé Laku-teen ho orsamentu alokadu millaun $6,4;
  7. Pagamentu ba diferensa remunerasaun PNTL nian ho rejime salariál foun, ba mmnbru PNTL 4.096 ho orsamentu alokadu millaun $5,1;
  8. Harii sedeartemarsiál no rituálmillaun $2,5;
  9. Programa eskolaiha uma ho orsamentu alokadu millaun $2,1;
  10. Internet gratuita iha eskola sira, millaun $1,1;
  11. Subsídiu akomodasaun ba PNTL no F-FDTL ho orsamentu alokadu millaun $1,9;
  12. Estabelesimentu sekretária ba asuntu trabaladór exteriórno komunidade Timor-oan iha diásporarihun $500;
  13. Empregu ba mellór alunu universitáriu sira rihun $437,5.

Liuhusi proposta Orsamentu Retifikativu ne’e, Governu propoin ba Parlamentu Nasionál atu halo reforsu finanseiru ba iha títulu Dotasaun Ba Governu Tomak no kria Programa foun hanaran medida orsamentu komplementár no ida-ne’e Governu halo atu labele book ka muda estrutura orsamentu pur programa.

Orsamentu Retifikativu ne’ebé Governu aprezenta ho intensaun atu redús impaktu ekonómiku ba timor-oan sira kauza hosi situasaun ekonómiku internasionál no aumentu substansiál taxa inflasaun ne’ebé sa’e ba beibeik.

Enkuantu, antes ne’e montante tetu OJE 2022 ne’ebé Governu submete ba PN ho montante billaun $1,675, ne’ebé millaun $233 ba saláriu no vensimentu, millaun $449,98 ba bens servisu, millaun $565,9 ba transferénsia públika, millaun $24,4 koresponde ba kapitál menór no millaun $401,7 ba kapitál dezenvolvimentu.

Maibé liuhosi debate espesialidade iha proposta adisionál mai ho propsota hamutuk 165 reprezentante povu no hosi proposta hirak ne’e mak halo adisionál millaun $300-resin, nune’e halo tetu OJE 2022 sa’e ba billaun $2 tanba atu utiliza ba nesesidade povu no nasaun.

Notísia Relevante: Governu prevee millaun $2,6, harii sede Grupu Arte Marsiál

Jornalista: Natalino Costa   

Editór      : Florencio Miranda Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here