Osan Dollar Amerikanu. Imajen/Espesiál

COVALIMA, 04 Maiu 2022 (TATOLI)–Governu liuhosi Sekretária Tékniku Administrasaun Eleitorál (STAE) Covalima finaliza ona pargamentu insentivu ba polling staff sira-ne’ebé presta sira-nia servisu durante iha eleisaun prezidensiál segunda volta.

Notósoa Relevante: Aban, STAE sei selu ofisiál eleitorál 15.000 ho osan millaun $1,4

Diretór Sekretáriu Tékniku Administrasaun Eleitorál (STAE) Covalima, Francisco Gusmão hateten, STAE Covalima hahú halo prosesu pagamentu subsídiu ba polling staff iha sesta (29/4) liubá ne’e.

“Ami konklui ona pagamentu insentivu ba polling staff sira-ne’ebé presta sira-nia servisu iha eleisaun prezidensiál segunda volta, iha sentru votasaun no estasaun votasaun ne’ebé estabelese iha munisípiu Covalima,” Francisco Gusmão informa ba Agência Tatoli, iha nia kna’ar fatin, Kampung Baru, kuarta ne’e.

Orsamentu ne’ebé mak STAE Covalima halo pagamentu ne’e mai hosi kustu operasionál ne’ebé STAE halo jestaun kada sentru votasaun iha polling staff na’in-ida hetan insentiviu $90,00.

Tanba, nia dehan, bazea ba STAE halo kontratu ho polling staff sira hala’o servisu durante loron tolu ne’ebé kada polling staff sei hetan insentivu $90,00, ho nune’e kada sentru votasaun ne’e STAE aloka $900,00 no iha sentru votasaun rua mak STAE aloka $1,800.00.

Durante hala’o eleisaun, STAE Covalima estabelese sentru votasaun 80 ho estasaun votasaun 92, nune’e kada ema-ida hetan insentivu $90,00 ne’ebé polling staff hamutuk 920 ho totál hamutuk $82,800.00.

Jornalista : Celestina Teles

Editór     : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here