Koordenadór Serve.ip sukursal Baucau, Raul Sanches Lajes. Imajen : Agénsia TATOLI/Natalino Belo.

BAUCAU, 04 maiu 2022 (TATOLI) – Servisu Rejistrasaun no Verifikasaun Emprezariál, Institutu Públiku (SERVE, I.P) sukursál munisípiu Baucau rekolla reseita iha fulan-abríl hamutuk $3.103,50.

Koordenadór SERVE.IP Surkursál Baucau, Raul Sanches Lajes, esplika hosi tótal orsamentu refere rekolla hosi empreza sira-ne’ebé halo rejistu kompostu renovasaun no alterasaun dokumentu.

“Fulan-abríl tún tanba feriadu barak relasiona ho eleisaun prezidensiál volta daruak no selebrasaun páskua,” Koordenadór SERVE Baucau hateten iha Vila Nova, kuarta ne’e.

Emprezáriu sira-ne’ebé halo renovasaun dokumentu iha fulan-abríl hanesan individuál rejista hamutuk 58, unipesoal Lda hamutuk 100 empreza no alterasaun hamutuk 52.

SERVE.IP planeia sei halo atividade rejistu movel iha postu administrativu neen hanesan Baguia, Quelicai, Laga, Baucau Vila, Venilale no Vemasse liuliu ba suku 59 iha munisípiu Baucau iha fulan-juñu tanba atu fasilita komunidade iha área rurál ne’ebé hakarak rejista no renova atividade negósiu.

Antes ne’e, SERVE Baucau rekolla reseita iha fulan-marsu hamutuk $3.339,50.

Jornalista    : Natalino Belo

Editór           : Evaristo Soares Matins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here