iklan

HEADLINE, SEGURANSA

PNTL rekolla informasaun ba kazu uza kilat asaltu família ida iha Bazartete

PNTL rekolla informasaun ba kazu uza kilat asaltu família ida iha Bazartete

ilustrasaun

DILI, 04 maiu 2022 (TATOLI)— Portavós Komandu Jerál Polisia Nasionál Timor-Leste (PNTL), Superintendente Xefe Armando Moteiro, informa Polisia Nasionál Investigativu Kriminál (PNSIK) rekolla ona informasaun no dadus hosi vitima na’in -haat  liga ho kazu ema deskonesidu uza kilat asaltu uma-kain ida.

Kazu ne’e akontese iha loron sábadu (30/5), tuku 22:00 kalan, besik eskola Nasuta nia oin, iha aldeia Terleu, suku Ulmera, postu administrativu Bazartete, munisípiu Liquiça.

Xefe Departamentu Relasaun Públika Komandu Jerál Polisia Nasionál Timor-Leste, Superintendente Xefe Armando Monteiro, Imajen Tatoli/Natalino Costa

“Ita nia Polisia Investigasaun Kriminál Nasionál no munisípiu Liquiça rekolla ona dadus balun hosi vitima nain-haat liga ho kazu ema sivil uza kilat boot asaltu ema sivil ka familia ida iha Liquiça. Tanba suspeitu sira sei deskonesidu hela tanba asaltu vitima sira iha kalan boot no taka oin,” Portavós Armando hateten ba jornalista sira liuhosi konferénsia imprensa iha Komandu Jerál PNTL Caicoli, kuarta ne’e.

Portavós PNTL ne’e dehan iha Timor-Leste instituisaun ne’ebé uza arma, la’ós PNTL de’it, maibé F-FDTL no Polisia Sientifika Invetigasaun Kriminál (PCIC,sigla portugés) mós uza.

Tanba ne’e, PNSIK hahú halo hela prosesu invetigasaun, nune’e prosesu ramata mak foin bele hatene hosi instituisaun ida ne’ebé komete ba kazu ne’e.

“Ha’u husu ita bo’ot sira hotu akompaña prosesu invetigasaun tanba rezultadu ami sei fó sai ba públiku hotu atu hatene,” Superintendente Xefe Armando sujere.

PNTL mós konsidera kritika sosiedade sivil liga ba kazu ema sivil uza kilat asaltu vitima sira ne’e konstrutivu atubele intensiva hadi’a kontrolu utilizasaun arma iha instituisaun PNTL nian.

Tanba PNTL rasik iha regra no prosedura ba utilizasaun arma no oinsá uza no rai arma, ho baze ba lei númeru 43/2011.

Notísia relevante: Deskonfia ema sivíl uza kilat asalta família ida iha Bazartete

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!