Meza Bola Guling. Imajen/Espesiál

BOBONARO, 04 maiu 2022 (TATOLI) – Postu administrativu Maliana, munisípiu Bobonaro no Rejiaun Administrativa Espesiál Oé-Cusse Ambeno (RAEOA)  komemora loron restaurasaun independénsia 20 maiu bad ala-XX ho jogu bola guling no atividade sira seluk.

Administradór postu administrativu Maliana, Tomás Laku-Loe, fó-sai katak atu komemora loron 20 maiu restaurasaun independénsia ba dala-XX autoridade postu sei realiza aktividade animasaun no jogu ‘bola buling’ ba komunidade sira.

“Iha postu Maliana sei realiza aktividade animasaun toka múzika no loke jogu bola guling’, atu harame ita-nia festa ne’e no jogu kuru-kuru no Manu-futu tanba tinan-tinan ita halo nanis ona,” nia inform aba Tatoli, iha aldeia Maliana, suku Lahomea, kuarta ne’e.

Nia akresenta, komunidade ne’ebé hakarak loke joga refere presiza submete karta lisensa ba Servisu Jestaun Merkadu no Turizmu autoridade munisípiu Bobonaro no karta koñesimentu ba Polísia Nasionál Timor-Leste (PNTL) atu fó seguransa ba jogu ne’e.

Enkuantu totál orsamentu ne’ebé autoridade munisípiu Bobonaaro aloka ba postu administrativu Maliana hamutuk $1.500 hodi mobiliza komunidade suku hitu iha Maliana atu lori ida-idak nia Bandeira mai konsentrA iha kampu futeból Maliana.

Purtantu  Sekretáriu Rejionál ba Asuntu Komérsiu no Indústria, Pedro da Silva Boquifai, informa, atividade ne’e hetan ona aprovasaun hosi Prezidente Autoridade RAEOA, hodi realiza bazar kalan durante loron 10 hahú 13 to’o 22 maiu 2022.

“Komemorasaun loron restaurasaun independénsia Timor-Leste, 20 Maiu, Sekretáriu Rejionál ba Asuntu Komérsiu no Indústria, ita iha atividade bazar kalan, hanesan baibain ita halo ona iha kada loron boot sempre festeza komunidade hodi selebra loron istóriku ne’e,” Pedro da Silva Boquifai, ko’alia iha Palaban Oé-Cusse, kuarta ne’e.

Nia informa, preparasaun atu realiza bazar kalan ne’e, parte tékniku hosi Sekretáriu Rejionál ba Asuntu Komérsiu no Indústria, hala’o ona enkontru preparasaun iha loron 26 abríl, hodi forma komisaun organizadora responde ba eventu ne’e.

“Atividade ne’ebé ita prepara ona mak kompetisaun homan ba grupu homan-sira, kompetisaun tranforma produtu lokál, kompetisaun diskursu ba asuntu meiu ambiente nian, jestaun lixu no protesaun ba bee-matan sira, kompetisaun solu fokál, nune’e bele anima komunidade-sira, futu-manu, bola-guling, kuru-kuru no atividade promosaun produtu orijinál Oe-Cusse nian,” nia katak.

Jornalista   : Sérgio da Cruz/Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here