Primeiru-Ministru, Taur Matan Ruak, prezide reuniaun Konsellu Ministru. Iha Palásiu Governu, kuarta (04/05). Imajen TATOLI/Francisco Sony

DILI, 04 maiu 2022 (TATOLI)-Governu Konstituisaun da-ualu, kuarta ne’e,  aprova ona projetu Dekretu-Lei ba estabelesimentu Kompañia Mineira Timor, S.A, durante reuniaun Konsellu-Ministru, iha Palásiu Governu Dili.

Projetu Dekretu-Lei ne’e aprezenta husi Ministru Petróleu no Minerál (MPM), Victor da Conceição Soares.

Notísia relevante :ANPM sei konklui sosializaun lei mineiru iha Ataúro

“Empreza mineira nasionál ne’e ho objetivu atu realiza atividade minerál sira hanesan define ona iha lei, inklui atividade rekoñesimentu, prospesaun no peskiza, avaliasaun, dezenvolvimentu, esplorasaun, tratamentu, transporte no komersializasaun minerais, nune’e mós atividade enseramentu mina nian,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.

Aleinde ne’e, Kompañia Mineira Timor, S.A, sei hala’o mós atividade komplementár ka asesória kona-ba atividade mineira no atividade prestasaun servisu relasiona ho atividade mineira nian liuliu servisu konsultoria téknika komersiál no jestaun iha setór mineiru.

Antes ne’e, Prezidente Repúblika (PR), Francisco Guterres ‘Lú Olo’, promulga ona Projetu-lei númeru 4/V (1a) Kódigu Mineiru, ne’ebé tama vigór iha loron 1fulan- janeiru 2022.

Notísia relevante : PN aprova projetu-lei kódigu mineiru ho unanimidade  

Jornalista : Antónia Gusmão.

Editór      : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here