Diretora Jerál Servisu Korperativu Ministériu Agrikultura no Peskas (MAP), Ervina Soares Pinto. Imajent Tatoli/Francisco Sony

DILI, 03 maiu 2022 (TATOLI) – Orsamentu Jerál Estadu (OJE) ne´ebé aloka ba Ministériu Agrikultura no Peska (MAP) ho montante $23.592.218, konsege ezekuta ona $2.952.211,16 (13%) iha trimestre dahuluk, hahú hosi janeiru to’o marsu.

Diretora Jerál Servisu Korporativu iha MAP, Ervina Soares Pinto, hateten OJE 2022 ba MAP iha tinan 2022 ne’e hamutuk $23.592.218, ba karegória lima mak hanesan, saláriu vensimentu $5.064.400, bens servisu $12.229.723, kapitál menór $3.697.975, kapitál dezenvolvimentu $2.205.120, no transferénsia públiku $395.000.

“Hosi orsamentu ne’e ita ezekuta ona hanesan ba saláriu vensimentu ezekuta ona $1.483.246,85 (29%), bens servisu ezekuta ona $1.359.762,31 (11%), kapitál seidauk ezekuta, no kapitál dezenvolvimentu $101.198,10 (5%) no transferénsia públiku seidauk ezekuta,” Ervina Soares Pinto, hateten ba Agência Tatoli, iha nia knaar fatin MAP, Comoro, Dili, tersa ne’e.

Hosi orsamentu $23.592.218 ne’e mós obrigasaun ne’e katak, orsamentu ne’ebé iha atu selu mak saláriu vensimentu laiha maibé iha bens servisu $876.223,47 (7%), kapitál menór $49.080 (1%), kapitál dezenvolvimentu $131.403,58 (6%) no transferénsia públiku seidauk iha obligasaun nune’e totál obrigasaun hamutuk $1.056.707,05 (4%).

Nune’e iha ezekusaun ne’e mós iha komitmentu ne’ebé MAP halo ona atu halo pagamentu sira ne’e, ba saláriu vensimentu ne’e halo pagamentu dala-ida de’it, ba bens servisu iha ona komitmentu atu halo pagamentu ne’e $2.70.560,92 (21%), kapitál menór $3.612.889,38 (98%), kapitál dezenvolvimentu $650.238,72 (29%) no transferénsia públiku $50.000 (13%),

“Ne’ebé ita-nia OJE 2022 atuál ezekuta ona $2.952.218 (13%) maibé iha komitmentu ne’ebé atu halo ona prosesu hanesan sosa fini, adubu no seluk tan ne’e iha hela prosesu aprovizionamentu ita sei halo komitmentu hamutuk $6.883.689.02 (29%)”, konklui.

Jornalista : Arminda Fonseca

Editór : Zezito Silva.

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here