Jornalista sira bainhira halo kobertura iha ámbitu luta kontra COVID-19. Imajen TATOLI/Egas Cristóvão.

BAUCAU, 03 maiu 2022 (TATOLI) – Komunidade relijioza Baucau husu jornalista sira atu kontinua habelar informasaun kona-ba probelema sosiál iha baze atu publiku akompaña iha mídia nasionál no internasionál.

Koordenadór Igreja Vizaun Kriistaun Rejionál Leste, Pastór Júlio Fuca kongratula ba loron Liberdade imprensa liuliu ba jornalista no ezisténsia mídia nasionál no internasionál iha Timor-Leste tanba bele halo kobertura, la’ós de’it iha nasionál maibé to’o ona iha munisípiu, postu no suku.

Koordenadór Igreja Vizaun Kristaun Rejionál Leste, Pastór Julio Fuca. Imajen: Imajen tatoli/Natalino Belo.

“Jornalista sira iha Baucau serbisu di’ak tebes, labele para deit iha-ne’e maibé tenke buka dezenvolve di’ak liután nune’e ema prontu atu fó sai sira-nia hanoin ba públiku liuhosi mídia,”  Koordenadór Igreja Vizaun Kristaun Rejionál Leste hateten iha Vila Nova, tersa ne’e.

Pastór Júlio Fuca konsidera papél mídia inportante tebes iha rai demokrasia hanesan Timor-Leste no sujere atu kontinua halo kobertura ne’ebé kredivel ba ema hotu, la halo dekriminasaun nune’e pÚbliku bele hetan informasaun ne’ebé justu.

“Ezisténsia mídia nian fó Liberdade ba ema atu espresa sira-nia hanoin no sentimentu, mídia tenke sempre prontu atu fasilita informasaun sira-ne’e ba públiku,” Pastór Júlio akresenta.

Iman Maskita Al-Amal Baucau, Haji Faisal Sali lori naran komunidade musulmanu iha Baucau hato’o parabéns ba jornalista sira tanba iha loron iha loron musulmanu nian, jornalista sira sempre halo kobertura ba espesiál Ramadhan.

Imam Maskita Al-Amal Baucau, Haji Faisal Sali. Imajen Tatoli/Natalino Belo.

Haji Faisal enkoraja atu kontinua halo kna’ar jornalismu ho livre hanesan hakbesik-aan ba komunidade iha baze atu rona direita povu nia halerik, hakerek ho neutralidade, profisionál no balansu no labele hamosu dikriminasaun iha nasaun Timor-Leste.

Tuir Konstitusaun RDTL garante Liberdade expresaun no imprensa hanesan prevista iha artigu 40 kona-ba Liberdade ba expresaun no informasaun no artigu 41 kona-ba Liberdade ba imprensa no ba meiu ba komunikasaun sosiál.

Artigu 40 hateten ema hotu-hotu iha direitu ba liberdade ba espresaun, direitu atu informa no hetan informasaun ho izensaun, Liberdade ba expresaun no liberdade ba informasaun nia ezersísiu labele hetan limitasaun ho sensura oin naran ida no lei sei regula direitu no liberdade sira-ne’ebé artigu ida ne’e refere, ho baze iha obrigasaun atu respeita Konstituisaun no ema ida-idak nia dignidade.

Hosi Konstituisaun RDTL ne’e mak hamosu tán Lei Komunikasaun Sosiál no Kódigu Étika Jornalista Timor-Leste nian.

Jornalista    : Natalino Belo

Editór           : Evaristo Soares Martins

 

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here