Estudante sira iha Ensinu Báziku Filiál (EBF) Fatukenfua, suku Usitako, sub-rejiaun Nítibe, RAEOA, tuur de’it li’ur hodi hala’o prosesu aprendizajen. Imajen espesiál.

OÉ-CUSSE, 03 maiu 2022 (TATOLI) – Autoridade Rejiaun Administrativa Espesiál Oé-Cusse Ambeno (RAEOA), prevista preokupasaun Ensinu Báziku Filiál (EBF) Fatukenfua, suku Usitako, sub-rejiaun Nítibe iha Orsamentu Jerál Estadu (OJE) tinan 2023 tanba estudante sira tuur de’it iha rai.

“Kona-ba kondisaun eskola ne’e, estudante-sira menus sala aprendijazen, tanba planu atu halo reabilitasaun ba EBF Fatukenkua, tama iha planu anuál 2021, maibé ita suspende tanba orsamentu lato’o, entaun ita tinan 2022 ne’e ita la halo konstrusaun ba eskola,” Sekretária Rejionál ba Asuntu Edukasaun Solidariedade Sosiál Inkluzaun, Avelina da Costa, informa ba Agência Tatoli iha Oé-Cusse.

Dirijente edukasaun ne’e rekoñese estudante sira hala’o prosesu aprendizajen iha li’ur, tanba menus sala aprendijazen, nune’e autoridade RAEOA prevista ba Orsamentu Jerál Estadu (OJE) tinan fiskál 2023 nian.

Estudante sira iha Ensinu Báziku Filiál (EBF) Fatukenfua, suku Usitako, sub-rejiaun Nítibe, RAEOA, tuur de’it li’ur hodi hala’o prosesu aprendizajen. Imajen espesiál.

“Tinan ne’e, laiha konstrusaun ba eskola, maibé atu hein tinan oin atubele halo obra ne’e, presiza kontribuisaun hosi inan-aman no profésór, tán ne’e maka kada eskola harii Asosiasaun Inan-Aman Profesór (AIAP) atu kontribui ba fasilidade eskola nian,” nia katak.

Nia ko’alia ona ho funsionamentu AIAP atu organiza hodi kontribui halo provizoriamente ba fatin sala aula ida ka rua no hariis-fatin.

Diretór EBF Fatukenfua, Baptista Lelan, informa, kondisaun iha EBF Fatukenfua tinan barak enfrenta problema mobiliáriu no sala aprendijazen, difikulta estudante sira balun tenku tur de’it iha ai-mahon hodi tuir prosesu aprendizajen.

“EBF Fatukenfua sala aprendizajen la sufisiente no kondisaun edifísiu mós ladún másimu atu uza, tán ne’e maka foin daudaun ezame ne’e, alunu barak mka tuur de’it iha liur atu tuir ezame. Asuntu ne’e ha’u hato’o ona ba autoridade, nune’e bele toma atensaun,” nia akresenta.

Totál estudante iha Ensinu Báziku Filiál (EBF) Fatukenfua hamutuk na’in-113, komposta hosi klase-primeiru to’o sestu-anu, ho totál profesór na’in-neen (6) kontratadu na’in-lima (5), permanente ida (1) no guarda ida.

Orsamentu Jerál Estadu 2021

Bazea ba livru 3C (RAEOA-ZEESM) previstu iha $127,000,000 ba 2021 ne’ebé koloka ba  saláriu vensimentu $11.072.049,00, bens servisu $23.775.569,00, kapital minór $2.360.470,00, kapitál dezenvolvimentu $85.506.102,00 no transferénsia públika $4.285.810,00.

Saláriu no vensimentu

Despeza ba kategoria saláriu vensimentu hamutuk $11,072,049 hodi asegura saláriu no oras extraordináriu ba funsionáriu hamutuk ema na’in-2,475 ne’ebé dezagrega iha gabinete prezidente autoridade, adjunta prezidente autoridade hodi reforsa institusionál, adjunto prezidente autoridade ba asuntu sosiál no sekretária rejionál na’in-7 iha RAEOA no ZEESM.

Bens no servisu

Nune’e mós despeza ba kategoria bens servisu $23,775,569.00 hodi asegura kustu operasionáll ba gabinete prezidente autoridade, adjuntu prezidente autoridade no sekretáriu rejionál sira hodi implementa programa ka atividade iha RAEOA no ZEESM-TL.

Liña rúbrika orsamentál hosi bens servisu ne’e, Prezidente Autoridade mak sei halo desizaun ba despeza liña rúbrika servisu operasionál hosi Sekretariadu rejionál asunto edukasaun, saúde, traballu no reinsersaun komunitáriu, finansa, administrasaun, agrikultura no komérsiu indústria hodi atende no halo jestaun ba administrasaun refere.

Iha bens servisu ne’e prevee liña rúbrika manutensaun no kombustível maioria koloka orsamentu boot iha reponsabilidade prezidente autoridade nia gabinete, atu haree liu ba kombustível ba EDTL Inur Sakato, iha mós relasiona ho ekipamentu pezadu sira-ne’ebé hala’o hela atividades iha Oécusse.

Nune’e mós liña rúbrika sira seluk iha kategoria bens servisu ne’e nu’udar kustu operasionál ba funsionamentu prestasaun servisu iha RAEOA no liña rúbrika viajen estranjeiru hodi atende reuniaun iha rai-li’ur no halo divulgasaun programa RAEOA no ZEESM-TL, mobilizasaun parseiru no investidór sira.

Iha bens servisu ne’e sita liña rúbrika formasaun profísional no semináriu hodi atende formasaun ba joven sira iha Oecusse, formasaun profísional ba funsionáriu RAEOA no ZEESM-TL, kursu profísional iha nasaun Portugál inklui kursu inglés no portugés.

Iha kategoria bens servisu ne’e hamosu liña rúbrika asisténsia téknika hodi asegura saláriu ba asesór na’in-28, konsultór nasionál sira no tékniku profísional sira seluk no liña rúbrika servisu operasionál hodi asegura kustu servisu operasionál ba nesesidade sekretáriu rejionál na’in-hitu.

Liña rúbrika bens servisu ne’e nu’udar responsabilidade tomak ba prezidente autoridade mak sei halo desizaun ba despeza asosiadu ho atividade operasional liuliu ba operasionál limpeza sidade no edifísiu.

Kapitál minór

Entretantu kapitál minór hamutuk $2,360,470.00 ba tinan 2021 atu asegura kondisaun bázika ba Gabinete Prezidente Autoridade no  Gabinete Sekretária rejionál sira ba sosa karreta ambulánsia, kareta tanki bee-moos, karreta operasionál, komputadór/laptop, printer, mákina fotokopia, mobiliáriu, AC no seluk tan.

Kapitál dezenvolvimentu

Purtantu kapitál dezenvolvimentu hamutuk $85,506,102 ba 2021, hosi montante refere, RAEOA no ZEESM-TL prevee orsamentu $56,262,790 hosi likides própriu no Governu Sentrál sei aloka montante $29,243,312.00 mai hosi fundu petrolíferu hodi finánsia no asegura obras sira-ne’ebé la’o hela nomoos ba obra foun tuir prioridade VIII Governu Konstitusionál nian.

Transferénsia públika

Iha parte transferénsia públika hamutuk $4,285,810.00 hodi asegura kustu ne’ebé ho natureza subvensaun públikas. Liña rúbrika ida-ne’e nu’udar responsabilidade tomak ba Prezidente Autoridade hola desizaun ba despeza.

Despeza hirak mak sei apoia Asosiasoens koperativa, ONGs no UNDP, subsídiu ba Konsellu Suku, PAAS no dezastre naturál no merenda eskolár no konsesaun eskolár.

Fundu espesiál dezenvolvimentu

Iha livru 3C (RAEOA-ZEESM) prevee mós rúbrika keta ketak ida ho naran Fundu Espesiál Dezenvolvimentu (FED) ho montante $14,000,000.00 ba ezekuta hodi finaliza konstrusaun Ró Haksolok.

Orsamentu Jerál Estadu 2022 

Iha tinan fiskál 2022, Parlamentu Nasionál aprova orsamentu ba RAEOA ho montante $84,436,784.00. Montante orsamentu ne’e prevista ba saláriu vensimentu $11,086,859.00, bens servisu $21,361,440.00, kapitál menor $607,155.00, kapitál dezenvolvimentu $47,059,303.00, transferénsia públika $4,322,027.00.

 Hosi valór orsamentu ne’e finansia ba programa 15, sub-programa 95 no atividade 265 mak hanesan programa kultura no patrimóniu prevee $2.900, programa dezenvolvimentu rurál no urbanu $390.718.

Nune’e mós programa reforsa Estadu prevee $375.440, programa seguransa nasionál prevee $50.600, progama asesu justisa prevee $1,155.789, programa boa-governasaun no jestaun instituisionál prevee $23,774.296, programa agrikultura prevee $441.661, programa bee no saneamentu $3.000.

Programa saúde prevee $739.257, programa dezenvolvimentu no reforsu zona ho tratamentu administrativu no ekonómiku espesiál prevee $55.324.900, programa  edukasaun no formasaun prevee $1,473.385, programa igualidade jéneru no inkluzaun sosiál prevee $192.062, programa konservasaun protesaun ambiente prevee $5.673.

Programa turizmu prevee $74.419, programa investimentu no diversidikasaun ekonómika prevee $432.684, programa.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here