Ilustrasaun

DILI, 03 maiu 2022 (TATOLI) – Diretór Rejionál Kolping Baucau, Isaac da Costa Moreira, hateten dadaun ne’e grupu halo produsaun ba mina-nuu maibé ho mákina manuál la’os ho mákina modernu.

“Daudaun ne´e ita enfrenta situasaun nesesidade báziku liuliu mina folin sa’e, ami hanesan asosiasaun, prepara ba situasaun ne’e ami sei haree, tanba ami halo produsaun ne’e sei fabrika manuál, la’os mákina modernu, ne’ebé ami seidauk halo produsaun masál”, Isaac da Costa Moreira ba Agência Tatoli, liuhosi via-telefone.

“Ami-nia membru sira iha baze mak halo produsaun ba mina-nuu, maibé nia rezultadu ka kuantidade produsaun ne’e sei menús tanba uza materiál manuál, ne’ebé ami halo produsaun bazea ba ami-nia kbiit”, nia dehan.

Mina-nuu ne’ebé sira prodúz ne’e ho nia durasaun atu uza bele fulan neen to’o tinan ida, loron sira halo produsaun kuantidade 30 kada litru lima, no kada litru ida ho folin $8.50.

“Daudaun ne’e ami halo produsaun litru lima de’it tanba ami-nia difikuldade mak masa mamuk atu enxe mina-nuu mak laiha, entaun ami tenke prosesa fali hosi Indonézia mai mak ami ense mina”, katak.

Nia husu ba Governu atu bele tun ba baze hodi haree sira-nia kondisaun oinsá servisu hamutuk hodi hasa’e produsaun mina lokál ne’e halo barak.

“Iha situasaun hanesan ne’e Governu mai ami-nia fatin hakarak ajuda investe, ka apoiu mákina modernu ruma ne’e ami prontu halo monitorizasaun ba atividade sira ne’e, tanba ami prepara kondisaun, rekursu umanu atu oinsá bele servisu iha grupu”, refere.

Asosiasaun Kolping iha grupu neen, mak grupu tolu iha suku Souro no grupu tolu fali Suku Leuro, Postu Administrativu Lospalos, Munisípiu Lautém.

Jornalista : Arminda Fonseca

Editór : Zezito da Silva  

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here