ilustrasaun

DILI, 01 maiu 2022 (TATOLI) – Deskonfia ema sivíl uza kilat asalta família ida iha eskola infantil Nasuta nia oin, postu administrativu Bazartete, munisípiu Liquiçá.

Kazu ne’e akontese iha loron sábadu (30/5), tuku 20:00 kalan, besik eskola Nasuta nia oin, postu administrativu Bazartete, munisípiu Liquiçá.

“Liga ho kazu ne’ebé deskonfia ema sívil ho kilat halo asaltu família ida iha eskola infantil Nasuta nia oin, postu administrativu Bazartete, munisípiu Liquiçá, ami seidauk hatene motivu lolos hosi kazu ne’e, tanba sei iha hela prosesu investigasaun nian laran,” Komandante Operasaun Polísia Nasionál Timor-Leste (PNTL) Munisípiu Liquiçá, Inspestór Xefe Ricardo Munisipade ba Agência TATOLI, liuhosi telefónika, domingu ne’e.

Nia fó-sai katak, ema asalta ho arma ka lae ne’e seidauk hatene, maibé hafoin akontesimentu ekipa polísia nian tún kedas iha fatin akontesimentu, maibé suspeitu halai lakon nune’e polísia seidauk identifika autór.

Nia hatutan, hafoin akontesimentu ekipa investigasaun Polísia Eskuadra Bazartete, to’o kedas iha fatin akontesimentu no lori kedas família vítima ba halo identifikasaun iha eskudra PNTL Bazartete.

“Hodi foti sira-nia deklarasaun balun no asegura kedas vítima sira-ne’ebé maka hetan asaltu, haruka sira ba hela fali iha sira-nia família seluk nia uma,” nia katak.

Daudaun ne’e, Polísia Eskuadra Bazartete koloka ona membru balun destaka iha fatin akontesimentu.

“Ami koloka ona ami-nia membru sira iha fatin akontesimentu hodi asegura situasaun,” tenik nia.

Inspestór Xefe Ricardo Munisipade seidauk bele fó-sai iidentidade hosi vítima tanba sei iha prosesu investigasaun.

Jornalista   : Natalino Costa

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here