Prezidente Komisaun Reguladora Arte Marsiais (KRAM), Octavio da Conceição "Anus". Imajen Tatoli/Francisco Sony

COVALIMA, 30 abril 2022 (TATOLI)—Prezidente Komisaun Reguladora Arte Marsiál (KRAM), Octavio Conceicão, husu ba grupu arte marsiál no arte rituál kumpre regra ne’ebé vigor tanba Governu liuhosi SEJD, liuhosi segundu diretivu autoriza ona sentru formasaun ba arte marsiál bazea ba rezolusaun Governu 4/2022.

“Ohin, ita iha Suai halo kompromisu dame malu entre organizasaun arte marsiál no arte rituál ba iha futuru labele hamosu problema hanesan iha tempu pasadu. Lideransa organizasaun arte marsiál no treinadór sira atu kumpre no halo tuir matadalan ne’ebé hatur ona,” Prezidente KRAM, Octavio da Conceicão, hateten ba jornalista sira hafoin realiza serimónia asaun dame ho organizasaun arte marsiál rituál, iha salaun Igreja Ave Maria Suai, sábadu ne’e.

SEJD introdús organizasaun arte marsiál no rituál reintegra sai hanesan modalidade desportu polítika ne’ebé arte marsiál sai hanesan desportu ba sosiedade.

Ho reativa organizasaun arte marsiál no arte rituál ne’e, SEJD iha korajen no konfia ba líder arte marsiál sei kontrola nia-membru sira atu labele envolve asaun perturba orden públika.

Governu reativa  organizasaun arte marsiál no ritual bainhira la kumpre regra sei aplika lei númeru 5/2017 tanba KRAM hamutuk SEJD halo pakote lejislasaun ba membru ne’ebé kumpre regra sei aplika inflasaun bazea membru  komete.

Grupu arte masiál no arte rituál viola regra ne’ebé hatur ona sei aplika koima konforme grau violasaun ne’ebé komete sei aplika minimu $25.00 másimu $5000.

Reprezentante Administradór Munisípiu Covalima, Francisco de Jesus Alves, hateten ohin loron importante ba grupu arte masiál no arte retuál marka istória hodi realiza asaun dame entre grupu arte marsiál no arte rituál iha Covalima.

“Ohin loron, ita halo atividade dame ba arte marsiál iha aspetu mental no espirituál kulturál defende an no desportu presiza iha domin no dame,” nia hateten.

Grupu Arte marsiál no arte rituál atu hametin dame no pás hodi deklara ba públiku la’ós hun ba problema, maibé nu’udar sentru ba dame desportu no sentru hasa’e desportu iha mundu lori nasaun Timor -Leste nia naran

Realiza asaun dame ne’e labele sai hanesan atividade baibain sai hanesan simbolu unidade dame no pás ba arte marsiál no arte rituál ba postu suku to’o aldeia no ba família.

Iha serimonia asaun dame ne’e, koordenadór arte marsiál no arte rituál halo kompromisu ba biblia hodi jura ba Maromak rai-lulik, matebian hotu ba rai ida-ne’e sei la halo tan problema ruma hodi hasoru organizasaun seluk maluk sira seluk no kbiit laek, sei hakruuk ba lei no hakruuk ba regra ne’ebé estabele ona, sei tane as ema hotu nia intrese no la haree ba organizasaun individuál.

Komadante PNTL Munisípiu Covalima, Basilio de Jesus mós apela ba grupu arte marsiál no arte rituál, kria estabilidade unidade, estabilidade, trankuilidade no dame.

“Ita hamutuk mak hosi suku no aldeia no fatin hotu ita-nia katuas ba to’os no natar, ita sira sai autór kria pás no estabilidade, ha’u fi’ar Covalima sei hakmatek,” nia dehan.

Iha serimónia asaun dame ne’e partisipa hosi KRAM nasionál, autoridade Covalima, komadante PNTL no grupu arte marsiál hanesan Korka, PSHT, Kera Sakti (IKS-PTL), Rajawali, Kongfu Master, Karate no Arte Rituál sira hanesan Colimau 2000, 77 no 55.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

1 KOMENTÁRIU

Leave a Reply to Gilberto Cancel reply

Please enter your comment!
Please enter your name here