Empreza Noemnasi-Autoridade RAEOA selebra termu entrega fasilidade mellora serbisu eletrisidade iha Oé-Cusse. Imajen Tatoli/Abílio Elo Nini.

OÉ-CUSSE, 29 abríl 2022 (TATOLI) – Empreza lokál Noemnasi Unipesoál, Lda, hamutuk ho autoridade Rejiaun Administrativa Espesiál Oé-Cusse Ambeno (RAEOA) lideradu Arsénio Paixão Bano, sesta ne’e selebra termu entrega ba pedidu materiál no fornesimentu operasionál ba atu mellora serbisu eletrisidade iha rejiaun ne’e.

Iha seremónia ne’e, Prezidente Autoridade RAEOA, Arsénio Paixão Bano, agradese ba empreza tanba kumpri rekizitu konkursu públiku, hodi fornese fasilidade ba Diresaun Rejionál Infraestrutura liuhosi Departamentu Eletrisidade Timor-Leste (EDTL) iha Oé-Cusse.

“Ita investe maka’as iha eletrisidade, hahú hosi transmisaun hosi rede distribuisaun asesu ba fatin izoladu sira iha territóriu Oé-Cusse, polítika ne’e autoridade halo no dedikasaun planu tomak mai hosi EDTL, tán ne’e mak ohin ita simu atu reforsa fasilidade eletrisidade atu mellora di’ak liután serbisu tomak iha Oé-Cusse,” Arsénio Bano, ko’alia iha serimónia termu entrega iha edifísiu EDTL Oé-Cusse.

Tuir nia, aumenta fasilidade ba EDTL importante, tanba sasán sira-ne’e importante ba RAEOA nian, atu mellora di’ak liután serbisu elestrisidade iha povo Oé-Cusse.

Nu’udar Prezidente Autoridae husu eletrisita sira iha Oé-Cusse, uza materiál sira-ne’ebé Estadu prepara ona, uza ho kuidadu labele estraga tanba ne’e gasta osan Estadu hodi hola fasilidade atu apoia serbisu públiku serve ba povu tomak nia interese.

Diretór Rejionál Infraestrutura, Cândido dos Reis Amaral, agradese ba autoridade RAEOA tanba polítika autoridade hakarak aumenta fasilidade no ekipamentu ba EDTL, nune’e garante serbisu ho kualidade.

“Ohin ita halo termu entrega ba fornesimentu materiál operasionál ba serbisu eletrifikasaun, liuhosi servisu departamentu Eletrisidade Timor-Leste iha Oé-Cusse, agradese ba Prezidente Autoridade tanba apoia tebes parte EDTL atu hakman sira-nia serbisu iha operasaun ninian,” nia agradese.

Materiál ne’ebe fornese hosi empreza mak hanesan, lighthing arrester 24 KVA hamutuk set-14, fuse cut outs set-14, fuse link 2 ampere kearney (K type) hamutuk unidade-100, fuse link 3 ampere kearney (K type) hamutuk unidade-100.

Nune’e mós, fuse link 4 ampere kearney (K type) hamutuk unidade-100, fuse link 5 ampere kearney (K type) unidade-100, fuse link 10 ampere kearney (K type) unidade-120, fuse link 20 ampere kearney (K type) unidade-120, fuse link 50 ampere kearney (K type) unidade-100, fuse link 100 ampere kearney (K type) unidade-100 no termal paper roll 80×80 white kaixa-34.

Iha telescopic hot stick 20KV, metru-10,5 (HASTING HV-235) hamutuk unidade-10, megger 10KV/high voltage instalations tester 2500/100000 MQ (KYORITSU KEW3128) unidade-ida (1), multi meter digital (KYORITSU 1009/FLUKE) hamutuk unidade-20.

Clamp meter/tan meter KYORITSU 2009R digital clampmeter AC/DC 2000A true RMS 2009R unidade-20, power puller ratchet 2 ton (NGK) unidade-hitu (7), pulling grips (NGK) unidade-hitu (7), cable cutters ratchet (hastings) unidade-ualu (8).

Fixed dead no assemply 35-50mm hamutuk set-100, large angel assemply 35-50mm set-100, suspension assemply 35-50mm set-100 no LV tap konnektór 25-95mm (SPLN) hamutuk unidade-200.

Based transformer Dist. Transformer 50 KVA D YZn 5-3 phase 20kv-400v (starlite) unidade-haat (4), dist. Tranformer 100 KVA D YZn 5-3 phase 20kv-400v (starlite) unidade-haat (4), dist. Tranformer 160 KVA D YZn 5-3 phase 20kv-400v (starlite) unidade-tolu (3), dist. Tranformer 200 KVA D YZn 5-3 phase 20kv-400v (starlite) unidade-rua(2), dist. Tranformer 800 KVA D YZn 5-3 phase 20kv-400v (starlite) unidade-ida (1), no Iselrwerek/base transformador complit accecord hamutuk set-14.

Low voltage materiál Dist. Panel with circuit breaker 630A no 4 outgoing breaker 250A (panel should be equiped with CTs, ampere, volt no energy meter) hamutuk set-rua (2).

Entretantu, empreza fornesedór mak Noemnasi Unipesoál, Lda, ho númeru kontratu 236/2021/PA/RAEOA-ZEESM, ne’ebé asina kontratu ho autoridade RAEOA iha 15 dezembru 2021 no remata iha 14 abríl 2022.

Valór kontratu hamutuk $261.957,24, ne’ebe aloka hosi Orsamentu Jerál Estadu (OJE) 2021, modalidade aprovizionamentu konkursu públiku.

Notísia relevante: RAEOA prevee millaun $1,2 kompleta liña eletrisidade

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here