Ministru Transporte no Komunikasaun, José Agostinho da Silva. Imajen Tatoli/Francisco Sony

DILI, 28 abril 2022 (TATOLI)—Ministru Transporte no Komunikasaun (MTK), José Agustinho da Silva, hateten, daudaun ne’e ró Berlin Nakroma arranka ona bá Surabaya, Indonézia atu halo manutensaun.

“Ró Berlin Nakroma arranka iha loron segunda (25/04) hodi halo manutensaun tanba paradu durante tinan-ida. Ohin ha’u haree mapa, paradeiru ró agora iha ona Nusa Tengara Barat atu tama ba Bali,” Ministru hateten iha nia edifísiu MTK, Caicoli, kinta ne’e.

Notísia relevante: Ró-ahi Berlin Nakroma halo manutensaun semana oin

Durasaun manutensaun durante loron 50, tanba bá manutensaun rasik loron 40 no loron lima viajen bá no loron lima viajen mai fali.

“Bainhira halo manutensaun hotu sei tama tasi no koko nia kondisaun hodi haree ró normál ona mak sei fila mai, nune’e ita-nia konektividade hosi Dili bá Ataúro bele aseguradu, tanba ita-nia Berlin Ramelau halo operasaun hosi Dili bá Oé-cusse, tanba Ataúro infraestrutura la favorese atu bá,” nia akresenta.

Nune’e, orsamentu ne’ebé Governu prevee atu halo manutensaun ba ró hamutuk $393.000 resin.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here