Ministru Asuntu Kombatente Libertasaun Nasionál, Julio Sarmento da Costa ‘Meta Mali’. Imajen TATOLI/Egas Cristóvão

DILI, 28 abríl 2022 (TATOLI)—Primeiru-Ministru (PM) no Ministru Asuntu Kombatente Libertasaun Nasionál (MAKLN), kinta ne’e, diskute kona-ba pensaun veteranu tinan tolu KA grau 0-3.

“Dala ruma ita fó pensaun ba veteranu injustisa, ema halai ba ai-laran tinan tolu haat no gasta tempu maibé lahetan buat ida tanba ne’e mak Primeiru Ministru bolu ami rua mai hodi deskute molok lori retifikativu ba Parlamentu Nasionál,” Ministru Asuntu Kombatente Libertasaun Nasionál (MAKLN), Júlio da Costa “Meta Mali”, hateten ba jornalista sira, hafoin hasoru malu ho Primeiru-Ministru, Taur Matan Ruak, iha Palásiu Governu.

Tanba ne’e, ohin urjente hasoru malu ho Primeiru-Ministru, Taur Matan Ruak, hodi deskute nune’e bele lori retifikativu ne’e ba Parlamentu Nasionál.

Antes ne’e, Governu liuhosi reuniaun Konsellu Ministru (KM) extraordinária aprova alterasaun daruak ba Lei númeru 8/2008, loron 30 juñu, kona-ba Lei Tributáriu no kriasaun fundu kombatente libertasaun nasionál.

“Altera taxa hosi impostu seletivu ba konsumu nian, kona-ba produtu oioin ne’ebé ladi’ak ba saúde, ne’ebé sei ajuda atu kompensa aumentu despeza no eventualmente hamenus valór transferénsia Fundu Mina-rai nian,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu iha auditorium Ministériu Finansa, Aitarak Laran, tersa (26/04) ne’e.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here