Primeiru-Ministru, Taur Matan Ruak. Imajen TATOLI/Egas Cristóvão.

DILI, 28 abríl 2022 (TATOLI)—Primeiru-Ministru, Taur Matan Ruak, informa nia-parte hasai ona konvite hodi konvida nia omólogu ka Xefe Governu hosi nasaun seluk hodi bele mai partisipa serimónia pose ba Prezidente Repúblika eleitu, José Ramos Horta, ne’ebé sei realiza iha 19 maiu 2022.

“Ha’u la lembra lista maibé haruka ona balun, ita haree took sé mak sei mai no normalmente konvite sira tenke sai antesidénsia. Ita-nia sai tarde loos tanba ita mós iha eleisaun, entaun lista sai tarde. Ho ida nune’e, ida ne’ebé mak mai, ita sei simu partila alegria ho ita-nia nasaun ho populasaun,” Xefe Governu ne’e hateten ba jornalista sira hafoin ramata hala’o enkontru ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairu Pite, kinta ne’e.

Durante sorumutu, Xefe Governu no Xefe estadu ko’alia mós preparativu sira-ne’ebé la’o hela hodi garante katak bainhita to’o iha loron serimónia toma pose ne’e buat hotu bele la’o di’ak.

Enkuantu, Governu liu hosi Ministéiru Administrasaun Estatál (MAE) aloka orsamentu millaun $1.6 ba realizasaun atividade rua mak serimónia toma pose PR eleitu no komemorasaun loron restaurasaun imdepedensia ba dala-XX (20 maiu 2002-20 maiu 2022).

Notísia Relevante: PR Lú Olo preokupa ho folin sasán sa’e iha rai-laran

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here