Osan Dolar Amérika. Imajen/Espesiál

COVALIMA, 28 abríl 2022 (TATOLI)—Diretór Ministériu Solidariedade Sosiál no Inkluzaun (MSSI) Covalima, Agapito Assis, hateten iha trimestre dahuluk ne’e Sentru Solidariedade Sosiál Covalima ezekuta verba OJE 2022 atinje ona 11%, ne’ebé ekivalente ho osan $7,262 no saldo hela de’it ona $7,232,52.

“Orsementu Jerál Estadu(OJE) ba tinan 2022 prevee ba MSSI liuhosi Sentru Solidariedade Sosiál  Covalima hamutuk $29.480, no hosi orsamentu ne’e ami ezekuta ona 11% iha trimestre dahuluk,” Agapito Assis informa ba Agência Tatoli, iha nia knar fatin, Suai Loro, Covalima, kinta ne’e.

Governu prevee OJE 2022 ba Sentru Solidasiedade Sosiál no Inkluzaun (MSSI) hamutuk $29.480 no hosi orsamentu ne’e ezekuta ba viajen lokál $2,785 funsionáriu sira-ne’ebé tuir formasuan iha nasionál, enkontru diretór ho funsionáriu koordenasaun servisu ho dirasaun nasionál liu-liu ho pontu vogál, formasaun no semináriu $5,4175, osan extra-ordináriu $150.00, servisu operasionál $1,648, sosa materiál eskritóriu $600.00no outru diversu $1,537.25

Tanba ne’e, nia dehan, Sentru Solidariedade Sosiál iha Covalima laiha programa seluk kontinua maibé mantein nafatin programa ne’ebé mak hala’o iha trimestre dahuluk, hahú fulan janeiru-marsu.

“Ho orsamentu ne’ebé mak ami iha, ba trimestre daruak (abril-juñu) ami kontinua de’it ami-nia programa ne’ebé mak ami hala’o iha trimestre dahuluk nian,” nia hateten.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here