Embaixadora Seguransa Saúde ba Rejiaun Ázia no Ázia Pasifiku, Stephanie Williams vizita armazein SAMES. Foto Tatoli/ Felicidade Ximenes

DILI, 28 abríl (TATOLI)—Embaixadora Seguransa Saúde  ba Rejiaun  Ázia no Ázia  Pasifiku, Stephanie Williams vizita Armazein Servisu Autonomu Medikamentus Saúde  (SAMES). Iha vizita ne’e hodi observa direita  ekipamentu   ne’ebé mak durante ne’e apoiu  Governu Autralia ajuda, liu liu  iha situasaun COVID-19 nian laran.

Embaixadora Stephanie Williams ba  jornalista sira  bainhira remata vizita ba Armazem SAMES Kampung-Alor ohin, hateten vizita ne’e atu observa direita ekipamentu sira ne’ebé mak durante ne’e Governu Australia apoiu on aba SAMES.

“Vizita ne’e atu haree direita ekipamentu sira  ne’ebé mak durante  Australia apoiu ba SAMES, liu-liu iha tempu pandemia  COVID-19. Tanba, Governu Australia servisu hamutuk ho UNICEF  halo aprovisionamentu  ba makina zelera korente malirin hodi uza ba  vasina COVID-19 nian,”  Embaixadora  ne’e hateten.

Nia dehan, durante ne’e relasaun parseria entre  Governu Australia ho SAMES lao diak tebes. Ba futuru sei  haree liu ba sistema Msuplay hodi  oinsá bele maneza aimoruk sira  husi doadores tenki ho didiak atu nune’e bele distribui   fali  ba fasilidade saúde sira rai laran.

Iha fatin hanesan, Diretór Ezekutivu SAMES, Santana Martins agradese ba  Embaixadora Seguransa  Saúde  ba rejiaun  Azia  no Azia pasifiku. Tanba, durante ne’e sira servisu diak tebes ho SAMES.

“Agradese ba ita hotu ne’ebé mak durante ne’e servisu iha situasaun COVID-19 nian  laran. Nune’e  ba oin ita kontinua nafatin hamutuk tau matan ba medikamentu ekipamentus iha SAMES,” Santana Martins hateten.

Jornalista : Felicidade Ximenes

Editóra     : Armandina Moniz

 

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here