MTKI no UNDP lansa Feira Empreendorizmu Foin-sa'e 2022 hodi halo promosaun ba produtu lokál, iha Timor-Plaza, kuarta (27/04). Imajen Tatoli/Francisco Sony

DILI, 28 abril 2022 (TATOLI)—Ministériu Turizmu Komérsiu no Indústria (MTKI) no parseiru prinsipál, Programa Nasaun Unida ba Dezenvolvimentu (UNDP, sigla inglés), iha kuarta (27/04), ofisialmente lansa ona ‘Feira Empreendedorizmu Foin-sa’e 2022.’

Seremónia ne’e loke direta hosi Ministru Turizmu Komérsiu no Indústria, José Lucas Do Carmo da Silva, no Rezidente Representative UNDP iha Timor-Leste, Munkhtuya Altangerel.

Atividade Feira Empreendorizmu Foin-sa’e 2022 iha Timor-Plaza, kuarta (27/04). Imajen Tatoli/Francisco Sony

“Feira ne’e kobre atividade prinsipál tolu hanesan halo promosaun produtu hosi joven empreendedór, lansamentu kompetisaun negósiu inovativu II MTKI 2022, no apoiu ekipamentu ba empreza foin-sa’e sira,” Ministru José Lucas, informa liuhosi nota ne’ebé Agência Tatoli asesu, kinta ne’e.

Feira realiza iha Timor-Plaza hahú iha loron 27 to’o 29 abril 2022, hahú tuku 10:00  to’o 22:00

Atividade Feira Empreendorizmu Foin-sa’e 2022 iha Timor-Plaza, kuarta (27/04). Imajen Tatoli/Francisco Sony

Nune’e, Ministru enkoraja joven sira atu partisipa iha eventu importante sira ne’ebé mak oferese hosi Governu, liuliu programa kréditu suave.

“Liuhosi kréditu ne’e sei hadi’a ita-nia moris no ita la tane liman ba ema. Programa ne’e daudaun barak mak sai benefisiáriu no ita kontinua fó oportunidade ba joven sira ne’ebé hakarak hadi’a moris,” nia akresenta.

Notísia relevante: Empreza 11 submete aplikasaun kréditu suave ba MTKI

Reprezentante Rezidente UNDP iha Timor-Leste, Munkhtuya Altangerel. Imajen Tatoli/Francisco Sony.

Biban ne’e,  Reprezentante UNDP iha Timor-Leste, Munkhtuya Altangerel, agradese ba Governu liuhosi MTKI ne’ebé fó ona apoiu másimu ba programa UNDP.

Ámbitu ne’e, MTKI no parseiru dezenvolvimentu entrega sertifikadu ba foin-sa’e 21 ne’ebé mak sai vensedór iha programa kompetetivu.

Iha atividade ne’e, kada joven aprezenta sira-nia produtu hahú hosi kulináriu, artezenatu, inklui produtu seluk hanesan kafe u’ut no seluk tan.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here