Embaixadora Seguransa Saúde ba Rejiaun Ázia no Ázia Pasifiku, Stephanie Williams kualia hela ho Vice Ministru Saude iha laboratorium HNGV. Imajen Tatoli/Antonio Daciparu

DILI, 28 abríl (TATOLI)—Governu Australia liu husi DFAT (Department of Foreign Affairs and Trade), apoiu  makina Genexpert, teste PCR, no makina diagnosa sira seluk ba Laboratoriu Nasionál Saúde (LABNAS). Apoiu ne’e atu  halo teste ba moras COVID-19 iha Timor-Leste (TL).

“Ekipamentu ne’ebé mak ohin entrega ne’e, hanesan Genexpert, teste PCR, makina diagnosa inklui nia rejente hodi utiliza halo teste  kazu COVID-19 ,” Embaixadora Seguransa   Saúde  ba Rejiaun  Ázia   no Ázia Pasifiku, Stephanie Williams dehan ba jornalinsta sira iha  LABNAS Bidau, Dili, ohin.

Nia hateten, makina ne’e  foun ho nia abilidade  teste barak no fó sai  resultadu ho lalais. Tanba makina ne’e kritiku tebes atu detekta  moras infensaun  sira.

Iha fatin hanesan Vise-Ministru Saúde,  Bonifácio Mau Coli dos Reis  informa, hanesan membru husi VIII Governu Konstitusionál, agradese ba apoiu no kooperasaun  husi Governu Australianu liu husi Embaixadora Rejionál ba Seguransa Saúde.

“Imi-nia apoiu nu’udar sentidu solidariedade atu haforsa, hametin no mellora ami-nia Sistema Nasionál Saúde, partikularmente hamutuk atu kombate pandemia moras COVID-19 iha Timor-Leste,” Nia hatete.

Nia dehan, Ministériu Saúde apresia tebes ba apoiu no jenerosidade ne’ebé Povu Australianu fornese no responde iha surtu COVID-19, liu   apoiu ekipamentu no dispozitivu hodi hasa’e kapasidade laboratoriu iha nível Nasionál, Munisípiu no Óspital,” Bonifacio Maucoli dehan.

Nune’e nia esplika,ekipamentus hirak-ne’ebé fornese ba Laboratóriu Nasionál, ajuda tebes hodi hasa’e kapasidade no melhora servisu asisténsia laboratoriu ho di’ak no lais liu tan ba komunidade.

Ekipamentus sira-ne’e, nia hatutan la’os orienta de’it ba kombate COVID-19 maibé bele mós utiliza atu deteta moras infesioza sira seluk hanesan TB,  no moras la’os infesioza hanesan Leukemia.

Vise Ministru ne’e deklara, doadores maka pertinente tebes atu alkansa vizaun, misaun no meta ne’ebé define tiha ona iha Planu Estratéjiku Dezenvolvimentu Nasionál Setor Saúde tinan 2011-2030, espesialmente iha tempu pandemia COVID-19 ida-ne’e.

Jornalista : Felicidade Ximenes

Editóra    : Armandina Moniz

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here