DILI, 28 abríl  2022  (TATOLI)—Ministériu Saúde  relata kazu detetadu foun positivu COVID-19 nain ida, rekuperadu la iha, no kazu ativu na’in 11, iha kinta ne’e.

“Ohin kazu detetadu foun positivu COVID-19 nain ida, rekuperadu ida no kazu ativu 10,” hateten Diretora Jerál Prestasaun Saúde, Odete da Silva Viegas  liuhosi nota komunikadu ne’ebé Agência TATOLI asesu ohin  ne’e.

Nune’e, hahú 21 marsu 2020 to’o 28 abríl 2022  iha kumulativu kazu konfirmadu 22.863 no óbitu 130.

Hosi horisehik mai ohin, Laboratóriu Nasionál Saúde halo teste PCR 50,  kompostu vijilánsia sentinela rua, rastreiu ba kontaku la iha, rastreiu aleatóriu ualu, viájen internasionál 40, follow up iha kuarentena laiha.

Alende ne’e, totál teste PCR ne’ebé halo iha 27 abríl 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 60,hanesan Maubisse la iha,  Maliana hitu, Viqueque la iha , Suai 16, Baucau la iha Ermera la iha , RAEOA la iha, HNGV  53, Lautém la iha, Vera Cruz la iha Manufahi la iha.

Populasaun elijível tinan 18 ba leten, ne’ebe simu ona vasina to’o iha loron 27 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,6%) no kumulativu 2ª doze iha Dili (81,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 72,1%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.

Iha loron  28 abríl  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu  no baixa ho COVID-19 la iha.

Jornalista: Felicidade Ximenes

Editóra   : Armandina Moniz

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here